Referendým kezinde basqa qalada júrgen azamattar qalaı daýys beredi
2022 jylǵy 23 mamyr 13:31

Referendým kezinde basqa qalada júrgen azamattar qalaı daýys beredi

NUR-SULTAN. QazAqparat – 5 maýsymda ótetin respýblıkalyq referendým kezinde azamattar esepten shyǵarý kýáligimen bolatyn jerindegi saılaý ýchaskesinde daýys bere alady. Bul týraly Ortalyq saılaý komıssııasynan málim etti, dep habarlaıdy QazAqparat tilshisi.

«Qazaqstan Respýblıkasyndaǵy saılaý týraly» Konstıtýtsııalyq zańda azamattardyń turǵylyqty jerin aýystyrǵan kezde daýys berý quqyǵyn beretin esepten shyǵarý kýáligi boıynsha daýys berý quqyǵy qarastyrylǵan. Osyǵan baılanysty Konstıtýtsııalyq zańnyń normalaryn iske asyrý úshin Ortalyq referendým komıssııasy «2022 jylǵy 5 maýsymǵa taǵaıyndalǵan respýblıkalyq referendým ótkizý kezinde daýys berý quqyǵyn beretin esepten shyǵarý kýálikterin berýdiń jáne esepke alýdyń keıbir máseleleri týraly» qaýly qabyldady», - dep atap ótedi komıssııadan.

Taratylǵan málimetke sáıkes, qaýlymen 2022 jylǵy 5 maýsymda respýblıkalyq referendým ótkizý kezinde daýys berý quqyǵyn beretin esepten shyǵarý kýáligin berý jáne esepke alý Ortalyq saılaý komıssııasynyń 2009 jylǵy 8 sáýirdegi qaýlysymen bekitilgen tıisti qaǵıdalarǵa saı júzege asyrylady.

5 maýsymda respýblıkalyq referendýmda daýys berý quqyǵyn beretin esepten shyǵarý kýáliginiń nysany belgilendi.

Oblystyq, respýblıkalyq mańyzy bar qalalar men respýblıka elordasynyń komıssııalary: daýys berý quqyǵyn beretin esepten shyǵarý kýálikteriniń qajetti sanyn belgileıdi jáne olardy daýys berýshilerdiń jalpy sanynyń bir paıyzynan aspaıtyn eseppen daıyndaýdy qamtamasyz etedi; esepten shyǵarý kýáligin daýys beretin kúnge deıin jıyrma kúnnen keshiktirmeı tıisti aýdandyq, qalalyq, qaladaǵy aýdandyq komıssııalarǵa bóledi jáne beredi.

Esepten shyǵarý kýáliginiń bes tańbaly serııalyq nómiri bolady. Olar joǵary jáne tómen turǵan komıssııalardyń tóraǵasy men hatshysy qol qoıatyn aktimen rásimdeledi, sodan keıin olardyń mórimen rastalady.

«Daýys berý quqyǵyn beretin esepten shyǵarý kýáligin kórsetken kezde ýchaskelik komıssııa daýys berý kúni azamattardy onyń bolatyn jeri boıynsha ýchaskedegi tizimge engizedi. Esepten shyǵarý kýáligi bir eldi meken shegindegi basqa ýchaskede daýys berýge qatysqysy keletin azamattarǵa berilmeıdi. Joǵalǵan esepten shyǵarý kýáligi qalpyna keltirilmeıdi. Esepten shyǵarý kýáliginiń kóshirme nusqalary berilmeıdi», - dep túsindiredi Ortalyq saılaý komıssııasy.


Seriktester jańalyqtary

Jańalyqtar

Úrdis

MURAǴAT