Almaty oblysyndaǵy Qoǵaly aýylynyń úsh kóshesin sý basty
2022 jylǵy 22 mamyr 20:55

Almaty oblysyndaǵy Qoǵaly aýylynyń úsh kóshesin sý basty

TALDYQORǴAN. QazAqparat - Almaty oblysynyń Kerbulaq aýdanyna qarasty Qoǵaly aýylynyń úsh kóshesin sý basty. Oblystyq tótenshe jaǵdaılar departamenti baspasóz qyzmetiniń aqparatyna sáıkes, qazir sýdyń deńgeıi tómendegen, dep habarlaıdy QazAqparat tilshisi.

«22 mamyr kúni saǵat 17:30-da áleýmettik jelilerge sholý barysynda Kerbulaq aýdanyndaǵy Qoǵaly aýylynyń kóshelerin sý basyp jatqandyǵy anyqtaldy. Biraq, tótenshe jaǵdaı qyzmetine sý basý jóninde habarlama túspegen. Anyqtalǵandaı, qatty jaýyn saldarynda Panfılov, Jandosov, Tobaıaqov kóshelerinen jáne bir úıdiń aýlasynan sý qatty aǵynmen ótken. Úılerdiń ishin baspady. Saǵat 18:00-degi jaǵdaı boıynsha, qatty jaýyn toqtady. Sýdyń mólsheri tómendedi. Zardap shekkender joq. Oqıǵa ornynda TJD qyzmetkerleri mán-jaıdy anyqtap jatyr», - delingen TJD baspasóz qyzmetiniń habarlamasynda.

Aıta keteıik, buǵan deıin Taldyqorǵan-Úsharal tas jolyndaǵy kópirdi qatty jaýynnan sý shaıyp , respýblıkalyq mańyzdaǵy jol bóliginiń jabylǵandyǵyn habarlaǵan bolatynbyz.



Uqsas jańalyqtar

Jańalyqtar

Úrdis

MURAǴAT