Beıjiń turǵyndary kovıd qonaq úılerine ornalastyryla bastady
2022 jylǵy 22 mamyr 19:16

Beıjiń turǵyndary kovıd qonaq úılerine ornalastyryla bastady

BEIJІŃ. QazAqparat – Beıjiń qalasynyń 5 myńǵa jýyq turǵyny 7 kúnge kovıd qonaq úılerine ortalyqtandyrylǵan karantınge jatqyzyldy, dep habarlaıdy QazAqparat tilshisi Beıtszın Jıbao basylymyna silteme jasap.

Basylymnyń habarlaýynsha, jumadan bastap Chaoıan megapolısiniń Nansınıýan kvartalynyń turǵyndary kovıd qonaq úılerine ornalastyryla bastady. Mundaı sheshim bir toqsanda segiz turǵyn úıden 26 COVID-19 oqıǵasy anyqtalǵannan keıin qabyldanǵan.

Jergilikti bılik 5 myńǵa jýyq turǵyndy ornalastyrý úshin Qytaı astanasyndaǵy 57 qonaq úıden 4000-nan astam bólme bóldi. Turǵyndar kovıd qonaq úılerine aýystyrylǵannan keıin koronavırýs anyqtalǵan páterlerde josparly dezınfektsııa júrgiziledi.

Osy demalys kúnderinen bastap Haıdıan aýdanynyń turǵyndaryna úıde jumys isteýge keńes berilip, basqa tórt aýdanda (Chaoıan, Fentaı, Shýnı jáne Fanshan) qashyqtyqtan jumys isteý rejımi 28 mamyrǵa deıin uzartyldy.

Buǵan deıin habarlaǵanymyzdaı, 22 sáýirden bastap Beıjińde koronavırýstyń órshýine baılanysty shekteýler engizile bastady. QHR astanasynda mádenı jáne oıyn-saýyq mekemeleriniń, fıtnes-zaldardyń jumysy toqtatyldy, mádenı-buqaralyq is-sharalar ótkizýge tyıym salyndy. Meıramhanalar men tamaqtaný oryndary tek jetkizý jáne alyp ketý qyzmetteri arqyly jumys isteıdi. Mýnıtsıpaldy bılik Beıjiń metrosynyń 100-den astam stantsııasynyń jumysyn toqtatty. Birqatar aýdandarynda qoǵamdyq kólik (jolaýshylar avtobýstary) jáne taksı qyzmeti shekteldi.

Sáýir aıynyń sońynan bastap Beıjiń turǵyndary kún saıyn PTR-testileýden ótip júr. PTR testiniń ınfektsııadan taza shyqqanyn kórsetetin nátıjesinsiz 48 saǵat ishinde qoǵamdyq oryndarǵa, sýpermarketterge, emhanalarǵa kirýge tyıym salynady.

Aıta keteıik, DDU Qytaıdyń COVID-19-ǵa qarsy úshinshi vaktsınasyn maquldady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT