Mańǵystaýda 10 mekteptiń dırektory bıznespen aınalysqany úshin aıyppul tóledi
2022 jylǵy 20 mamyr 17:46

Mańǵystaýda 10 mekteptiń dırektory bıznespen aınalysqany úshin aıyppul tóledi

AQTAÝ. QazAqparat - Mańǵystaýda bilim mekemeleriniń basshylaryna sybaılas jemqorlyqqa qarsy shekteýler túsindirildi, dep habarlaıdy QazAqparat.

Mańǵystaý oblysynda 10 bilim uıymynyń basshysy kásipkerlik qyzmetpen aınalysyp, zań buzýshylyqtarǵa jol berdi.

Ákimshilik quqyq buzýshylyq kodeksiniń 154-baby boıynsha is qozǵalyp, kináliler aıyppul tóledi.

Óńirde osy saryndaǵy quqyq buzýshylyqtardyń aldyn alý maqsatynda sybaılas jemqorlyqqa qarsy qyzmettiń Mańǵystaý oblysy boıynsha departamenti bilim mekemeleriniń basshylaryna sybaılas jemqorlyqqa qarsy shekteýlerdi túsindirdi.

-Sybaılas jemqorlyqqa qarsy is-qımyl týraly» zańda memlekettik laýazymdy atqaratyn jáne memlekettik fýnktsııalardy oryndaýǵa ýákilettik berilgen adamdarǵa kásipkerlik qyzmetpen aınalysýǵa tyıym salynǵan. Búgingi kúni mektep dırektorlarynyń arasynda kásipkerlikpen aınalysqan tulǵalar anyqtalyp otyr. Sondyqtan, búgingi kezdesýdiń maqsaty - sybaılas jemqorlyqqa qarsy shekteýlerdi qaıta túsindirý, - dedi Mańǵystaý oblysy boıynsha sybaılas jemqorlyqqa qarsy qyzmet departamenti preventsııa basqarmasynyń basshysy Qaırat Báıgebaev.

Budan bólek, spıker memlekettik organ basshylary ózderine baǵynysty mekeme basshylaryn taǵaıyndaý kezinde olardan aktıvteri men mindetteri týraly deklaratsııa qabyldaýy shart ekenin aıtyp ótti.

Olaı bolmaǵan jaǵdaıda, memlekettik mekeme basshylary «Sybaılas jemqorlyqqa qarsy is-qımyl týraly» zańnyń 11-babyn buzǵan bolyp esepteledi.

Uqsas jańalyqtar
«Atyraý» kásipkerlik korporatsııasy 3 jyl boıy shyǵynǵa batýda
2022 jylǵy 5 tamyz 14:56

«Atyraý» kásipkerlik korporatsııasy 3 jyl boıy shyǵynǵa batýda

ATYRAÝ. QazAqparat – «Atyraý» áleýmettik-kásipkerlik korporatsııasy» AQ úsh jyl boıy shyǵynǵa batqan, dep habarlaıdy QazAqparat.

Sybaılas jemqorlyqqa qarsy is-qımyl agenttigi Atyraý oblystyq departamenti basshysynyń birinshi orynbasary Esqalı Salamatovtyń málimetinshe, «Atyraý» áleýmettik-kásipkerlik korporatsııasy» AQ qyzmetiniń 2019 jyly shyǵyny 718 mln 265 myń teńgeni, 2020 jyly 779 mln 891 myń teńgeni, 2021 jyly 1 mlrd 55 mln 586 myń teńgeni quraǵan.

«Munyń birneshe sebebi bar. Birinshiden, táýekeli joǵary jobalarǵa qarajat salynyp, nátıjesinde aqshany joǵaltqan. Ekinshiden, salynǵan qarajatty qaıtarýdyń álsiz kepildikteri bar sapaly emes sharttar áser etken. Úshinshiden, ónimdiligi tómen jekelegen departamentterdiń shtat sanynyń kóptigi, sondaı-aq fýnktsııalardyń qaıtalanýy da yqpal etip otyr. Tórtinshiden, kadrlardy irikteýde ashyqtyqtyń bolmaýy men tártiptik jaza qoldanylǵan kezde olarǵa syıaqy berý, fýnktsıonaldyq mindetter júktelmegen laýazymdardyń bolýy, máselen, tóraǵanyń keńesshisi sekildi sebepter bólingen shyǵynǵa batyrady. Kez-kelgen adam jylqyny nemese sıyrdy urlasa túrmege qamalady. Al, munda júzdegen mıllıon teńgeniń shyǵyny bar. Biraq, bul úshin eshkim jaýap bermeıdi. Barlyǵy tıimsiz basqarýǵa silteme jasaıdy. Bul durys emes», -deıdi departament basshysynyń birinshi orynbasary Esqalı Salamatov.

Eske sala ketelik, budan buryn Atyraý munaı óńdeý zaýytyna 5 mln teńge aıyppul salynǵanyn jazǵan edik.



Jańalyqtar

Úrdis

MURAǴAT