Jeńildetilgen avtonesıemen aınalysatyn qor báseke sharttaryn buzdy dep aıyptaldy
2022 jylǵy 20 mamyr 17:30

Jeńildetilgen avtonesıemen aınalysatyn qor báseke sharttaryn buzdy dep aıyptaldy

NUR-SULTAN. QazAqparat - Básekelestikti qorǵaý jáne damytý agenttigine «Evrazııa» SK» AQ saqtandyrý kompanııasynan shaǵym túsken. Onda «Ónerkásipti damytý qory» AQ-nyń básekeni shekteıtin áreketteri týraly aıtylǵan. Osyǵan baılanysty agenttik qorǵa atalǵan áreketterdi toqtatý jóninde eskertý jasady, dep habarlaıdy QazAqparat.

Qor lızıng alýshymen jasasatyn sharttyń talaptaryna sáıkes lızıng zattarynyń jáne/nemese kepil zattarynyń árbir sanatyna qatysty saqtandyrý qajettigimen baılanysty táýekelderdi sáıkestendiredi.

2021 jylǵy qańtarda qor saqtandyrý kompanııalarynyń pýlyn qurdy.

Oǵan «Halyq» saqtandyrý kompanııasy» Qazaqstan Halyq bankiniń enshiles uıymy» AQ, «NOMAD Inshýrans» SK» AQ, «Qazaqmys» SK» AQ, «SINOASIA B&R» SK (Sınoazııa BıEndAr) AQ jáne «Vıktorııa» SK» AQ kirdi.

Ótinishpen jumys isteý sheńberinde BQDA lızıng shartyn jasasý kezinde qor lızıng alýshylarǵa pýlǵa qatysýshy kompanııalarmen lızıng nysanasyn saqtandyrý sharttaryn jasasýǵa keńes bergenin anyqtady.

Qordyń mundaı áreketteri saqtandyrý naryǵyndaǵy básekeni shekteıdi, sebebi olar pýlǵa qatysýshylarǵa negizsiz artyqshylyqtar beredi.

«Monopolııaǵa qarsy organnyń eskertýi alynǵan sátten bastap kúntizbelik 30 kún ishinde oryndalýǵa tıis. Belgilegen merzimde oryndalmaǵan jaǵdaıda, Kásipkerlik kodekstiń normalaryna sáıkes tergeý júrgiziledi» dep málim etti agenttik.


Jańalyqtar

Úrdis

MURAǴAT