Álıhan Smaıylov Birikken Arab Ámirlikteriniń halqyna kóńil aıtty
2022 jylǵy 20 mamyr 16:23

Álıhan Smaıylov Birikken Arab Ámirlikteriniń halqyna kóńil aıtty

NUR-SULTAN. QazAqparat – QR Premer-Mınıstri Álıhan Smaıylov Birikken Arab Ámirlikteriniń Qazaqstandaǵy elshiligine baryp, sheıh Halıfa ben Zaıd Ál Nahaıannyń qaıtys bolýyna baılanysty kóńil aıtty, dep habarlaıdy QazAqparat Úkimettiń resmı saıtyna silteme jasap.

BAÁ elshisi Muhammed Saıd Muhammed ál-Arıkımen kezdesý barysynda Úkimet basshysy sheıh Halıfa ben Zaıd Ál Nahaıannyń Qazaqstan men Birikken Arab Ámirlikteri arasyndaǵy dostyq qatynastardy damytýdaǵy baǵa jetpes úlesi men erekshe rólin atap ótti.

«Sheıh Halıfa ben Zaıd Ál Nahaıan kóregen ári dana saıasatker retinde ǵıbaratty ǵumyryn Birikken Arab Ámirlikteriniń kórkeıip kemeldenýine, halqyna rııasyz qyzmet etýge arnady. Onyń bıligi tusynda el kóptegen salalarda órkendep, damı bastady. Qazaqstan Respýblıkasy Úkimetiniń jáne jeke óz atymnan sheıh Halıfa ben Zaıd Ál Nahaıannyń dúnıeden ozýyna baılanysty marqumnyń otbasy men jaqyndaryna, Birikken Arab Ámirlikteriniń Úkimetine jáne halqyna asa aýyr qaıǵylaryna ortaqtasyp, kóńil aıtamyn», - dedi Álıhan Smaıylov.

Elshilikte QR Premer-Mınıstri kóńil aıtý kitabyna jazba qaldyrdy.


Seriktester jańalyqtary

Jańalyqtar

Úrdis

MURAǴAT