23 mamyr. Týǵan kún ıeleri
2022 jylǵy 23 mamyr 08:10

23 mamyr. Týǵan kún ıeleri

NUR-SULTAN. QazAqparat – Búgin, ıaǵnı 23 mamyrda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

98 jyl buryn (1924-2003) qazaq arheologııa ǵylymynyń negizin qalaýshylardyń biri, tarıh ǵylymynyń doktory, Qazaqstan Memlekettik syılyǵynyń, Qazaqstan Ǵylym akademııasy Sh.Ýálıhanov atyndaǵy syılyǵynyń laýreaty, Qazaqstannyń eńbek sińirgen ǵylym qaıratkeri Kemal AQYShEV dúnıege kelgen.

Pavlodar oblysynyń Baıanaýyl kentinde týǵan. Qazaq memlekttik ýnıversıtetin bitirgen. 1950-1955 jyldary – Qazaq Ǵylym akademııasynyń aspıranty, kishi, aǵa ǵylymı qyzmetkeri. 1955-1990 jyldary Sh.Ýálıhanov atyndaǵy Tarıh, arheologııa jáne etnografııa ınstıtýty arheologııa bóliminiń meńgerýshisi qyzmetin atqarǵan. 1991 jyldan Á.Marǵulan atyndaǵy Tarıh, arheologııa jáne etnografııa ınstıtýtynyń bólim meńgerýshisi, bas ǵylymı qyzmetkeri bolyp qyzmet atqarǵan. K.Aqyshev 1954 jyldan bastap Soltústik, Ońtústik jáne Jetisý arheologııalyq ekspedıtsııalarynyń uıymdastyrýshysy jáne jetekshisi boldy. Kóne jáne orta ǵasyrlardaǵy Qazaqstan eskertkishterin, álemdik mańyzy zor Esik obasynan tabylǵan «Altyn adam», Besshatyr, Otyrar jádigerlerin zerttegen. Ǵalym kóne Qazaqstan tarıhynyń negizgi tujyrymdaryn jasaýǵa belsene qatysty. Ortalyq Azııa órkenıeti júıesinde ejelgi Qazaqstannyń ornyn aıqyndaýǵa eleýli úles qosty. Onyń 220-ǵa jýyq ǵylymı eńbegi, sonyń ishinde 14 monografııasy bar. «Parasat» ordenimen marapattalǵan.

81 jyl buryn (1941) memleket jáne qoǵam qaıratkeri, elshi-dıplomat, fılologııa ǵylymdarynyń doktory Ádil Qurmanjanuly AHMETOV dúnıege keldi.

Almaty oblysynda týǵan. Almaty shet tilderi pedagogıkalyq ınstıtýtyn bitirdi. Orta mekteptiń aǵylshyn tiliniń, qazaq tiliniń muǵalimi. Fılologııa ǵylymdarynyń doktory, professor, Reseı Halyqaralyq joǵary mektep ǵylym akademııasynyń akademıgi. Dıplomattyq dárejesi – I synypty Tótenshe jáne Ókiletti Ýákil. Almaty shet tilderi pedagogıkalyq ınstıtýtynda oqytýshy, aǵa oqytýshy, aǵylshyn tili fakýltetiniń dekany, oqý isi jónindegi prorektory, leksıkologııa kafedrasynyń dotsenti, Halyq depýtattary Almaty qalalyq keńesi atqarý komıteti Syrtqy ekonomıkalyq baılanystar bóliminiń I sanatty mamany, Almaty qalalyq ákimshiligi basshylyǵy apparatynyń bas mamany-Almaty qalalyq ákimshiliginiń Týson qalasyndaǵy (Arızona shtaty, AQSh) turaqty ókili, Halyqaralyq qatynastar jáne álem tilderi Qazaq memlekettik ýnıversıtetiniń rektory, Bilim, mádenıet jáne densaýlyq saqtaý mınıstrliginiń Bilim komıtetiniń tóraǵasy, Qazaqstan Respýblıkasy Syrtqy ister birinshi vıtse-mınıstri, Ulybrıtanııa jáne Soltústik Irlandııa Qurama Koroldigi Qazaqstan Respýblıkasynyń Tótenshe jáne Ókiletti Elshisi sondaı-aq Shvetsııa Koroldiginde, Norvegııa jáne Irlandııa Koroldikterinde osy mindetterdi qosa atqardy, Qazaqstan-Brıtan tehnıkalyq ýnıversıtetiniń rektory, halyqaralyq yntymaqtastyq jónindegi prorektory bolyp qyzmet istegen. 2007-2013 jyldary QR Parlamenti Senatynyń depýtaty, Senattyń Halyqaralyq qatynastar, qorǵanys jáne qaýipsizdik máseleleri jónindegi turaqty komıtet hatshysy jáne EQYU sol kezdegi tóraǵasynyń Musylmandardy kemsitý jáne shettetýmen kúres jónindegi jeke ýákili boldy. «Qurmet» ordenimen, bes medalmen marapattalǵan. «Qazaqstannyń eńbek sińirgen qaıratkeri» qurmetti ataǵy bar.

55 jyl buryn (1967) QR Qaýipsizdik keńesi hatshysynyń birinshi orynbasary Murat Qalıbekuly BAIMUQAShEV dúnıege keldi.

1994 jyldan bastap quqyq qorǵaý organdarynda jumys isteıdi. Іshki ister organyndaǵy jumysyn jol polıtsııasynyń patrýldik qyzmeti batalonynyń ınspektory laýazymynan bastady. 1997 jyldan bastap QR ІІM jol polıtsııasy basqarmasynda jumys istedi, sonymen qatar mınıstrliktiń ortalyq apparatynyń departamentteri men bólimderin basqardy. 2009-2019 jyldary QR Premer-mınıstri Keńsesinde basshylyq laýazymdarda, sonyń ishinde alty jylǵa jýyq qorǵanys jáne quqyq qorǵaý bóliminiń bastyǵy boldy. 2019-2020 jyldary – QR Qaýipsizdik Keńesi hatshysynyń orynbasary. 2020-2021 jyldary – QR ІІM Ákimshilik polıtsııa komıtetiniń tóraǵasy. 2021-2022 jyldary - QR ishki ister mınıstriniń orynbasary.

Qazirgi qyzmetinde – 2022 jyldyń mamyrynan.

50 jyl buryn (1972) QR Qarjy mınıstrligi Memlekettik kirister komıteti tóraǵasynyń orynbasary Jánibek Máýlitbekuly NURJANOV dúnıege keldi.

Shyǵys Qazaqstan oblysy Óskemen qalasynda týǵan. 1997 jyly Shyǵys Qazaqstan memlekettik ýnıversıtetin «ekonomıka jáne menedjment» mamandyǵy boıynsha bitirgen.

Eńbek joly: 1997-2000 jyldary – Óskemen qalasy jáne Shyǵys Qazaqstan oblysy salyq komıtetiniń ınspektory. 2000-2003 jyldary – QR Memlekettik kirister mınıstrligi ortalyq apparatynyń qyzmetkeri. 2003-2004 jyldary – QR Qarjy mınıstrligi Salyq komıteti basqarmasy bastyǵynyń orynbasary. 2004 jyly Astana qalasy Almaty aýdany boıynsha Salyq komıteti tóraǵasynyń orynbasary boldy. 2012-2014 jyldary – Aqtóbe qalasy boıynsha Salyq komıtetiniń tóraǵasy, Qostanaı qalasy boıynsha Salyq basqarmasynyń bastyǵy, Atyraý oblysy boıynsha Salyq departamenti basshysynyń orynbasary, Atyraý qalasy Salyq basqarmasynyń basshysy. 2014-2019 jyldary – Atyraý oblysy boıynsha Memlekettik kirister departamenti basshysynyń orynbasary. 2019-2021 jyldary – Atyraý oblysy boıynsha Memlekettik kirister departamenti basshysy. 2021-2022 jyldary – Pavlodar oblysy boıynsha Memlekettik kirister departamentiniń basshysy.

Qazirgi qyzmetinde 2022 jylǵy sáýir aıynan bastap.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT