Qyzylorda qalasynda toǵyzynshy synyp oqýshysy kanalǵa batyp ketti
2022 jylǵy 19 mamyr 20:02

Qyzylorda qalasynda toǵyzynshy synyp oqýshysy kanalǵa batyp ketti

QYZYLORDA. QazAqparat - Qyzylorda qalasynda toǵyzynshy synyp oqýshysy kanalǵa sýǵa batyp ketti. Qazir qutqarýshylar balanyń múrdesin izdeýdi bastap ketti, dep habarlaıdy QazAqparat tilshisi.

Búgin, 19 mamyr saǵat 15:28-de oblystyq tótenshe jaǵdaılar departamentine Belkól kentindegi kanalǵa 15-16 jasar er balanyń sýǵa ketkeni jóninde habar kelip túsken.

«Oqıǵa ornyna barǵanda kenttegi №189 mekteptiń toǵyzynshy synyp oqýshysy sýǵa batyp ketkeni málim boldy. Qazir qutqarýshylar balanyń múrdesin izdeý jumystaryn bastap ketti. Oǵan jedel qutqarý jasaǵynyń basshysy Baqyt Embergenov jetekshilik etip otyr. Bul jumysqa 7 qutqarýshy tartylǵan. Oǵan qajetti tehnıka, qaıyq paıdalanylýda. Súńgýirler múrdeni sý astynan izdeýdi jalǵastyryp jatyr», - dep málim etti Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý qyzmetiniń baspasóz hatshysy Álııa Erejepova.

Vedomstvo málimetinshe, apattyq medıtsınalyq ortalyǵynan 3 qyzmetker 1 tehnıkamen oqıǵa ornynda jumys jasap jatyr.

Sondaı-aq, departament psıhology balanyń anasyna qajetti psıhologııalyq kómek kórsetýde.

Eske salsaq, budan buryn Qyzylordada japan túzde joǵalǵan qoıshy jigit eki kúnnen keıin tabylǵan edi.


Uqsas jańalyqtar

Jańalyqtar

Úrdis

MURAǴAT