Qyzylordadaǵy sanıtarlyq talapty saqtamaǵan balabaqsha jóninde mamandar túsinik berdi
2022 jylǵy 19 mamyr 13:30

Qyzylordadaǵy sanıtarlyq talapty saqtamaǵan balabaqsha jóninde mamandar túsinik berdi

QYZYLORDA. QazAqparat - Áleýmettik jelide Qyzylorda qalasyndaǵy balalarǵa arnalǵan oqý ortalyǵynda sanıtarlyq-gıgıenalyq talaptardyń saqtalmaýy jóninde aqparat taraǵan edi. Osyǵan baılanysty tıisti sala mamandary mán-jaıdy túsindirip berdi, dep habarlaıdy QazAqparat tilshisi.

Áleýmettik jelide oqý ortalyǵynda sanıtarlyq-gıgıenalyq talaptardyń saqtalmaǵany jóninde jazylǵan. Saldarynan balalar jerde uıyqtap, sol orynda tamaq ishýge májbúr bolǵan.

Buǵan baılanysty oblystyq bilim salasyn baqylaý departamentiniń mamandary túsinikteme berdi.

«Osy maqsatta arnaıy monıtorıngilik top músheleri oqý ortalyǵynda boldy. Onda birqatar sanıtarlyq-gıgıenalyq talaptardyń saqtalmaǵany anyqtaldy. Sol arqyly tekserý jasaý jóninde quzyrly organdarǵa hat joldandy. Oǵan qosa Qyzylorda qalasy ákimi janyndaǵy balalar quqyǵyn qorǵaý jóninde komıssııada ortalyqqa basshylyq jasaıtyn kásipkerdiń máselesin qaraý jóninde usynys engizildi», - dedi Qyzylorda oblysynyń bilim salasyndaǵy baqylaý departamenti basshysynyń orynbasary Aıgúl Myrzaǵalıeva.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT