Elordada belgisiz bireý turǵynnyń kóliginen 1 mln teńgeni urlap ketken
2022 jylǵy 19 mamyr 13:20

Elordada belgisiz bireý turǵynnyń kóliginen 1 mln teńgeni urlap ketken

NUR-SULTAN. QazAqparat – Astanalyq turǵyn 1 mln teńgeden astam aqshany kóligine qaldyryp, ózi dúkenge ketken. Sol sátti paıdalanǵan ury qarjyny qoldy etken. Bul týraly Nur-Sultan qalasy Polıtsııa departamenti Almaty aýdandyq polıtsııa basqarmasy basshysynyń orynbasary Marat Ómirbaev málim etti, dep habarlaıdy QazAqparat tilshisi.

«Sońǵy ýaqytta avtokólikte qalǵan qundy zattar men qarjyny urlaý kóbeıip barady. Jyl bastalǵaly beri kólikti tonaý boıynsha 15 fakt tirkeldi. Onyń tórteýi boıynsha is áli ashylǵan joq. Bıyl barlyǵy 598 urlyq jasaý faktisi tirkeldi. Onyń ishinde 84-i — qylmystyń aýyr túrine jatady, al 505 fakt ortasha deńgeıdegi qylmys bolyp esepteledi», - dedi Marat Ómirbaev elordanyń polıtsııa departamentinde ótken baspasóz máslıhatynda.

Onyń aıtýynsha, elordanyń Almaty aýdanynda halyq arasynda túsindirý jumystary (1300-den astam) júrgizildi.

«Krımınaldyq polıtseıler men ýchaskelik ınspektorlar turǵyndarmen kezdesý ótkizip, urlyq-qarlyqtan saq bolý jáne eskertý sharalaryn túsindiredi. Urlyq jasaý faktisi ártúrli. Mysaly, qala turǵyny kóligin qaldyryp ózi dúkenge ketken. Sol sátte kólik ishindegi 1 mln teńgeden astam qarjyny bireý jymqyryp úlgergen. Bul oqıǵa jyl basynda boldy. Osyǵan oraı azamattardan kólik ishinde baǵaly zattar men iri kólemdegi qarjyny qaraýsyz qaldyrmaý kerektigin eskertemiz. Sonymen qatar avtokólik esiginiń jabylǵanyn muqııat teksergen jón», - deıdi ol.

Sondaı-aq, spıker urlyq jasaý men tonaý páter ıelerine de qatysty ekenin eske saldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT