Qyrǵyzstanda budan bylaı kontrabandashylardyń kóligi tárkilenetin boldy
2022 jylǵy 19 mamyr 09:04

Qyrǵyzstanda budan bylaı kontrabandashylardyń kóligi tárkilenetin boldy

BІShKEK. QazAqparat - Qyrǵyz Respýblıkasynyń Parlamenti jańa zań jobasyn maquldady. Oǵan sáıkes memleket kontrabandalyq zattardy tasymaldaý úshin paıdalanylǵan kólikterdi tárkileı alady, dep habarlaıdy QazAqparat Qyrǵyzstan Respýblıkasy Mınıstrler kabınetiniń saıtyna silteme jasap.

Jogorký Keneshte taýarlar nemese kólikterdi zańsyz ótkizý jaýapkershiligin aıtarlyqtaı qataıtatyn zań jobasy qaraldy. Qujattyń maqsaty – taýarlar men kólik quraldaryn ótkizý pýnktterinen jáne taýarlardy ótkizýge arnalǵan basqa da belgilengen oryndardan tysqary jerlerge zańsyz ákelý jáne áketýmen kúresti kúsheıtý, sondaı-aq kontrabanda úshin tıimdi, proportsıonaldy jáne tosqaýyl qoıý sharalaryn belgileý.

Qyrǵyzstan Respýblıkasynyń qoldanystaǵy zańnamasyna sáıkes, Eýrazııalyq ekonomıkalyq odaqtyń kedendik shekarasy arqyly kontrabanda úshin jaýapkershilik jeke tulǵalarǵa tek 7500 som (shamamen 92 dollar), al zańdy tulǵalarǵa 23 000 som (282 dollar) aıyppul salý túrinde ǵana qarastyrylǵan.

Bul sharalar tym jumsaq, al zańsyz qozǵalys el ekonomıkasyna zııanyn tıgizedi. Osyǵan baılanysty, zań jobasynda jeke tulǵalarǵa aıyppuldy 100 000 som (1226 AQSh dollary), zańdy tulǵalar úshin 150 000 som ($1840), qaıtalanǵan quqyq buzýshylyqtar jaǵdaıynda jeke tulǵalar úshin 200 000 som (2453 AQSh dollary), zańdy tulǵalar úshin 300 000 somǵa ($300) deıin arttyrý, sondaı-aq kólik quraldaryn tárkileý sharalary qarastyrylǵan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT