Túrkistan oblysynda 500 muǵalim sanat kóterý sertıfıkatyn satyp aldy degen kúdikke ilindi
2022 jylǵy 18 mamyr 12:50

Túrkistan oblysynda 500 muǵalim sanat kóterý sertıfıkatyn satyp aldy degen kúdikke ilindi

TÚRKІSTAN. QazAqparat - Túrkistan oblysynda 500-ge jýyq ustaz sanat kóterý sertıfıkatyn satyp aldy degen kúdikke ilindi. Qazir sertıfıkattardy quzyrly organdar tekserý ústinde, dep habarlaıdy QazAqparat tilshisi.

Túrkistan oblysynda ustazdardyń sanatyn kóterýge arnalǵan sertıfıkattardyń satylatyndyǵy jaıynda áleýmettik jelide aqparat taraǵan bolatyn. Atalǵan faktiniń oryn alǵanyn oblystyq adamı áleýetti damytý basqarmasynyń basshysy Dinıslam Bolathanuly rastady.

«Ókinishke qaraı, sondaı faktiler anyqtaldy. Biz barynsha ashyqtyq saıasatyn ustanyp otyryz. Áleýmettik jelide bolyp jatqan máselelerdi jiti qadaǵalaımyz. Resmı túrde quzyretti organdarǵa tergeý amaldaryn júrgizý úshin sol sertıfıkattardyń barlyǵyn joldadyq. Qazirgi tańda biz quzyrly organdar anyq-qanyǵyn aıtyp beredi dep úmittenip otyrmyz. Ondaı adamdardyń jalǵan dıplom, jalǵan sertıfıkattarmen bilim oshaqtarynda jumys isteýine moraldyq quqyǵy joq dep esepteımin», - dedi Dinıslam Bolathanuly.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT