Pavlodarda balalar mamyq jaǵyp oınap, eki qabatty úıdi órtep jibergen
2022 jylǵy 18 mamyr 09:11

Pavlodarda balalar mamyq jaǵyp oınap, eki qabatty úıdi órtep jibergen

NUR-SULTAN. QazAqparat - Pavlodarda oıynnan ot shyǵyp, eki qabatty úı órtendi, dep habarlaıdy Ravlodarnews.kz tilshisi.

Óńirlik kommýnıkatsııalar qyzmetinde ótken baspasóz jıynynda Pavlodar oblysy TJD basshysynyń orynbasary Qaırat Shaımardenov apattyń oryn alýynyń aldyn ala sebebin málim etti.

«Qazir terek mamyǵy túsetin kezeń bastaldy. Balalar sony órtep oınaıdy. Turǵyndarǵa balalarymen keńes ótkizýdi usynamyz. Al, uıymdardyń basshylaryn óz aýmaqtaryn tazalaýǵa, abaı bolýǵa shaqyramyz. Óıtkeni saldary aýyr bolýy múmkin. Mysaly, keshe balalardyń mamyq órtep oınaýy saldarynan eki qabatty turǵyn úıde órt shyqty», - dedi Qaırat Shaımardenov.
Qaırat Shaımardenovtiń aıtýynsha, oqıǵa ornynda tergeý júrgizý kezinde balalardyń mamyq órtep oınaǵany anyqtalǵan.
«Vıdeosy da bar. Kýágerlerden jaýap alyndy. Olardyń aıtýynsha, órttiń shyǵýyna balalardyń otty abaısyz qoldanýy sebep bolǵan», - dedi Qaırat Shaımardenov.
Atalǵan faktige qatysty is oblystyq polıtsııa departamentine joldanǵan. Kináliler boıynsha sońǵy sheshimdi polıtsııa departamenti shyǵarady.
Uqsas jańalyqtar

Jańalyqtar

Úrdis

MURAǴAT