Qaraǵandylyqtar qoǵamdyq kólik erte toqtap qalatynyna narazy bolyp jatyr
2022 jylǵy 17 mamyr 13:31

Qaraǵandylyqtar qoǵamdyq kólik erte toqtap qalatynyna narazy bolyp jatyr

QARAǴANDY. QazAqparat – Qaraǵandyda qoǵamdyq kólik keshki saǵat 20.00-de toqtaıdy. Mundaı keste qala turǵyndarynyń narazylyǵyn týdyryp otyr. Qaraǵandylyqtar avtobýstardyń júrý ýaqytyn uzartýdy talap etýde, dep habarlaıdy QazAqparat tilshisi.

Búgingi tańda Qaraǵandyda qalanyń barlyq aýdandaryn qamtıtyn 46 qalalyq jáne 8 qala mańyndaǵy marshrýt boıynsha 300 avtobýs qatynaıdy.

Avtopark ıeleriniń aıtýynsha, avtobýstar kún saıyn ortasha eseppen 06:00-den 21:00-ge deıin negizgi baǵyttar boıynsha júredi. Jumys ýaqyty táýligine 12-den 14 saǵatqa sozylady. Alaıda, qala turǵyndary bul málimdememen kelispeıdi jáne avtobýstardyń jumys ýaqytyn eldiń kóptegen qalalaryndaǵydaı 23.00-ge deıin uzartýdy talap etýde.

«Qazirgi ýaqytta qalanyń avtobýs parkterinde kadr jetispeýshiliginen júrgizýshiler bir aýysymmen jumys isteýde. Shamamen 200 júrgizýshiniń tapshylyǵy bar, bul avtobýstardyń marshrýttarǵa tolyq shyǵýyn jáne júrgizýshilerdiń 2 aýysymdyq jumysyn qamtamasyz etýge múmkindik bermeıdi. Osyǵan baılanysty qoǵamdyq kóliktiń jumys ýaqytyn 22:00-23:00-ge deıin uzartý múmkin emes», - dep túsindirdi Qaraǵandy qalasynyń TKSh, avtomobıl joldary jáne jolaýshylar kóligi bóliminen.

Vedomstvonyń habarlaýynsha, tasymaldaýshylar kadrlardy tartý úshin jalaqyny turaqty kóterý jáne jańa avtobýstar satyp alý boıynsha sharalar qabyldaýda. Bıyl bıýdjetten bul maqsatqa 3,6 mlrd teńge kóleminde sýbsıdııa bólindi, kúzde taǵy da qosylýy múmkin. Biraq, tasymaldaýshylardyń aıtýynsha, bul qarajat barlyq shyǵyndardy ótemeıdi. Sondyqtan jaqyn arada qoǵamdyq kóliktiń jumys ýaqyty uzartyla ma, joq pa, áli belgisiz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT