Merdigerler 51,2 mln teńgege jol jumystaryn qaıta jasady – memlekettik baqylaý
2022 jylǵy 17 mamyr 13:01

Merdigerler 51,2 mln teńgege jol jumystaryn qaıta jasady – memlekettik baqylaý

NUR-SULTAN. QazAqparat – Jyl basynan beri barlyq avtojol jobalary jáne jergilikti jelidegi jumystar men materıaldardyń sapasyna saraptaý júrgizildi. Bul týraly QR Indýstrııa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy QazAqparat tilshisi.

«Jol jóndeý jumystary men paıdalanylatyn jol-qurylys materıaldarynyń sapasyna jiti nazar aýdarylyp otyr. Bıyl jyl basynan beri barlyq avtojol jobalary jáne jergilikti jelidegi jumystar men materıaldardyń sapasyn saraptaý 52 paıyzǵa artqan. Jol-qurylys materıaldarynyń 3299 úlgisi tańdalyp, synaqtan ótti, 503 synama normalarǵa saı kelmeıdi», - dedi Qaıyrbek Óskenbaev Úkimet otyrysynda.

Jalpy jyl basynan beri merdigerlerdiń óz qarajaty esebinen 51,2 mln teńgege jumystar qaıta júrgizilgen.

«Aýmaqtyq sáýlet jáne qurylys basqarmasynyń sheshimimen eki tehnıkalyq qadaǵalaý kompanııasyna jalpy somasy 2,1 mıllıon teńge aıyppul salyndy, bir tehnıkalyq qadaǵalaý attestaty alty aıǵa toqtatyldy», - dedi Indýstrııa mınıstri.

Buǵan deıin Indýstrııa mınıstri jol sapasy boıynsha ákimderdiń reıtıngi jasalatynyn habarlaǵan edi.


Seriktester jańalyqtary

Jańalyqtar

Úrdis

MURAǴAT