Mal sharýashylyǵy salasyn bilikti mamandarmen qamtamasyz etý qajet - Qarashókeev
2022 jylǵy 17 mamyr 11:20

Mal sharýashylyǵy salasyn bilikti mamandarmen qamtamasyz etý qajet - Qarashókeev

NUR-SULTAN. QazAqparat – Mal sharýashylyǵyn bilikti mamandarmen qamtamasyz etýge nazar aýdarý qajet. Bul týraly búgin Úkimet otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Mal sharýashylyǵyn bilikti mamandarmen, eń aldymen veterınarlarmen jáne zootehnıktermen kadrlyq qamtamasyz etýge nazar aýdarý qajet. Bul jerde áńgime joǵary bilimi bar mamandar týraly ǵana emes, jergilikti bıýdjetten qarjylandyrylatyn kolledjder daıarlaıtyn orta býyn mamandary týraly da bolyp otyr», - dedi mınıstr.

Osy rette Erbol Qarashókeev «Dıplommen aýylǵa» baǵdarlamasyn kúsheıtý jáne keńeıtý arqyly aýyldyq jerlerde kadrlardy bekitý máselesin sheshý, onyń normalaryn orta býyn mamandaryna da taratý mindeti turǵanyn basa aıtty.

«Veterınarııa júıesin reformalaý esebinen mal sharýashylyǵyna veterınarlyq qyzmet kórsetý sapasyn da arttyrý kerek», - dedi ol.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT