ShQO-da turǵyndar narazylyǵyn týǵyzǵan shoshqa fermasy tekserildi
2022 jylǵy 16 mamyr 19:56

ShQO-da turǵyndar narazylyǵyn týǵyzǵan shoshqa fermasy tekserildi

ÓSKEMEN. QazAqparat – Shyǵys Qazaqstan oblysyndaǵy Óskemen qalasy men Glýbokoe aýdany Stepnoe, Shmelev Log aýyldary halqynyń narazylyǵyn týǵyzǵan shoshqa fermasyna qatysty tekserý júrgizildi, dep habarlaıdy QazAqparat tilshisi.

ShQO ekologııa departamenti baspasóz qyzmetiniń málimetine súıensek, Glýbokoe aýdanynda atalǵan máselege oraı turǵyndarmen kezdesý ótti.

Onda jınalǵandar shoshqa fermasy men mal soıý alańynan shyqqan qaldyqtardyń adam densaýlyǵyna jáne tabıǵı ortaǵa keltiretin zııany týraly aıtty.

«Soǵan oraı departament zerthanasynyń mamandary hımııalyq taldaý jasaý úshin ferma aýmaǵyndaǵy jer men uńǵymalardaǵy jerasty sýynan synama aldy. Endi zertteý jumystary júrgizilmek. Onyń nátıjeleri aldaǵy kúnderde belgili bolady», - dep habarlady vedomstvo ókilderi.

Anyqtalǵandaı, «Rodnıchok» sharýa qojalyǵyna tıesili shoshqa fermasy Shmelev Log jáne Leshoz aýyldarynda jumys isteýge qajetti ekologııalyq ruqsat qaǵazdaryn rásimdemegen.

Másele oblys prokýratýrasynyń da baqylaýyna alynǵan.

Esterińizge sala ketsek, osyǵan deıin ShQO-daǵy shoshqa fermasynyń birneshe aýyl halqynyń narazylyǵyn týǵyzǵanyn habarlaǵan edik.


Seriktester jańalyqtary

Jańalyqtar

Úrdis

MURAǴAT