Taýarlar óndirý men qyzmet kórsetý sektorynda kórsetkish jaqsardy – Ulttyq bank
2022 jylǵy 16 mamyr 18:29

Taýarlar óndirý men qyzmet kórsetý sektorynda kórsetkish jaqsardy – Ulttyq bank

NUR-SULTAN. QazAqparat - Ulttyq banktiń aqsha-kredıt saıasaty departamentiniń dırektory Rústem Orazalın kásiporyndar monıtorınginiń jyl basynan bergi nátıjesin jarııalady, dep habarlaıdy QazAqparat.

«Saýalnamaǵa 3 334 kásiporyn qatysty, olardyń ishinde 1576-sy iri jáne ortasha kásiporyn boldy. Monıtorıng nátıjesi naqty sektorda ekonomıkalyq belsendiliktiń oń dınamıkasy jalǵasyp kele jatqanyn kórsetti, ol daıyn ónimge suranys ulǵaıýyna jáne onyń baǵasy ósýine negizdeldi», - dedi Rústem Orazalın.

ıAǵnı, bıylǵy birinshe toqsanda daıyn ónimge suranys birshama ulǵaıdy. Dıffýzıondy ındeks 52-den 53,1-ge deıin ósti. Taýarlar óndirý men qyzmet kórsetý sektorynda kórsetkish jaqsarǵany baıqalady.

Departament dırektory baǵa taý-ken jáne óńdeý ónerkásibinde óskenin atap ótken.

«Burynǵydaı, kásiporyndar Qazaqstan ekonomıkasynyń jaı-kúıi bıznesti júrgizýdegi negizgi kedergi dep sanaıdy. Bul jóninde saýalnamaǵa qatysqan kásiporyndardyń 38,4%-y málimdedi. Basqa kedergiler básekelestik (28,9%); satyp alýshylardy izdestirý (22,6%); salyq deńgeıi (21,9%); bilikti mamandardyń jetispeýi (20,0%) bolyp otyr. Mańyzdylyǵy jaǵynan qarjylandyrýǵa qoljetimdilik 8-orynda (12,5%) tur», - delingen habarlamada.


Uqsas jańalyqtar

Jańalyqtar

Úrdis

MURAǴAT