Astanada sońǵy eki aptada 76 adamdy kene shaqqan
2022 jylǵy 16 mamyr 18:08

Astanada sońǵy eki aptada 76 adamdy kene shaqqan

NUR-SULTAN. QazAqparat – Elordada kene shaǵý jaǵdaılary kóbeıgen. Osy oraıda mamandar astanalyqtardy saq bolýǵa shaqyrady, dep habarlaıdy QazAqparat tilshisi.

«Saıajaı maýsymynyń bastalýy jáne mamyr aıyndaǵy merekeler keıbir elorda turǵyndaryn jaǵymsyz jaıtqa ákeldi. Mamyr aıy bastalǵaly 76 astanalyqty kene shaǵyp, dárigerdiń kómegine júgindi. Qystan shyqqan keneler óte belsendi ári agressıvti bolady. Mamyr, maýsym aılary - keneniń kóbeıetin kezeńi. Jyl bastalǵaly 109 kene shaǵý jaǵdaıy tirkeldi. Onyń ishinde 44-i - 14 jasqa deıingi balalar. Bul kórsetkish ótken jyldyń osy kezeńimen salystyrǵanda 28 jaǵdaıǵa kóp», - dedi Nur-Sultan qalasy sanıtarııalyq-epıdemıologııalyq baqylaý departamentiniń bólim basshysy Naǵıma Shataeva.

Mamandar kene shaǵý jaǵdaıynyń kóbeıý sebebin aýa raıynyń jylynýy jáne halyqtyń belsendiligimen baılanystyryp otyr.

«Sońǵy eki jyl boıy karantın bolyp, sáıkesinshe adamdardyń qozǵalysy da azaıdy. Qazir karantındik shekteýler joq, onyń ústine mamyrda birneshe mereke boldy. Kenelerdiń shabýyl jasaý faktileri Aqmola oblysy boıynsha Býrabaı, Zerendi, Qosshy, Qoıandy, Maksımovka jáne Jibek joly eldimekeninde jıi tirkeledi. Sonymen qatar elorda irgesindegi Vıacheslav sý qoımasy, qaladaǵy Botanıkalyq baq pen basqa da demalys oryndarynda jıi bolady. Keneler ártúrli janýarlardyń qanyn sorý arqyly boıyna mıkrobtardy jınaıdy. Keıin adamdy shaqqan kezde ol mıkrobtar tasymaldanady. Keneden juǵatyn aýrýlardyń ishinde keń taralǵany - kene entsefalıti, gemorragııalyq qyzba jáne borrelıoz», - deıdi ol.

Sondaı-aq, qalalyq sanıtarııalyq-epıdemıologııalyq baqylaý departamenti tabıǵat aıasynda kenelerden qorǵaný tásilderin atady.

«Arnaıy repellent paıdalaný qajet. Tabıǵat aıasynda shyqqanda deneni tolyq jabatyn kıim kıgen jón. Kenege qarsy aerozol alýdy da umytpaý kerek. Sonymen qatar tabıǵat aıasynda bolǵan kezde ózińiz ben balalaryńyzdy ár 15-20 mınýt saıyn tekserip otyrǵan abzal. Úıge kirer aldynda ústińizdi muqııat tekserińiz. Taǵy bir jaıt, keneler adamǵa jabysyp qana emes, zattarmen (sómke) ilesip kelýi de múmkin», - deıdi maman.

Onyń aıtýynsha, kene shaqqan jaǵdaıda ony deneden múmkindiginshe tez alyp tastaý kerek.

«Keneniń kózin tez qurtpasa, borrelıoz juqtyrý qaýpi bar. Keneni joıý úshin jaraqat beketine habarlasqan durys. Alaıda keneden óz betińizshe de qutyla alasyz. ıAǵnı pıntsetke oratylǵan jumsaq gýbkamen alýǵa bolady. Qabynýdyń aldyn alý úshin keneniń denesin basynan julyp almaýǵa tyrysyńyz. Sol sııaqty kenege qarsy preparatty múmkindiginshe erterek, ıaǵnı kene shaqqannan keıin 24-48 saǵat ishinde qoldanǵan jón», - dedi N. Shataeva.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT