Tekelidegi balanyń múrdesin máıithanadan ala almaı jatyr degen jalǵan aqparat - ákimdik
2022 jylǵy 16 mamyr 16:37

Tekelidegi balanyń múrdesin máıithanadan ala almaı jatyr degen jalǵan aqparat - ákimdik

TALDYQORǴAN. QazAqparat - Áleýmettik jelilerde Tekelide laı kóshkininen qaza bolǵan qyz balanyń múrdesin jaqyndary máıithanadan ala almaı jatyr degen jalǵan aqparat tarady, dep habarlaıdy QazAqparat tilshisi.

«Balanyń múrdesin máıithanadan aldyq. Erteń saǵat 10:00 shamasynda jerleımiz», - dedi qaza bolǵan balanyń anasy Gúlnár Tileýhan.

Tekeli qalalyq ákimdigi de balanyń denesin máıithanadan alý barysynda eshqandaı qıyndyqtar bolmaǵanyn jetkizdi.

«Balanyń múrdesin Taldyqorǵandaǵy máıithanadan Tekelige alyp keldi. Ákimdik jerleý rásimin óz moınyna aldy. Qazir áleýmettik jelilerde balanyń múrdesin máıithanadan ala almaı jatyr degen jalǵan aqparat taraýda. Sondyqtan halyqty resmı aqparattarǵa júginýdi suraımyz»,- delingen Tekeli qalasy ákiminiń baspasóz qyzmetiniń habarlamasynda.

Esterińizge sala keteıik, buǵan deıin Tekelide laı kóshkini júrip, bes jastaǵy qyz bala joǵalǵanyn habarlaǵan bolatynbyz.

Sodan soń, kóp uzamaı máıiti tabyldy .


Uqsas jańalyqtar

Jańalyqtar

Úrdis

MURAǴAT