Almaty-Tashkent poıyzy qaıtadan qatynaı bastady
2022 jylǵy 16 mamyr 16:19

Almaty-Tashkent poıyzy qaıtadan qatynaı bastady

NUR-SULTAN. QazAqparat - Búgin saǵat 18.32-de «Almaty-2» vokzalynan Almaty-Tashkent qatynasyndaǵy №1/2 halyqaralyq jolaýshylar poıyzy jolǵa shyǵady, dep habarlaıdy QazAqparat.

QTJ málimetinshe, 24 vagonnan turatyn quram aptasyna 3 ret baryp, keledi. Bıletter quny memleketaralyq tarıf boıynsha belgilengen. Baǵalardy www.bilet.railways.kz. saıtynan naqtylaýǵa bolady

«Qazaqstandyqtar men shetel azamattarynyń elge temir jol kóligimen kirýi úshin burynǵydaı teris nátıjesi bar COVID-19-ǵa PTR testileýden ótkeni týraly anyqtamanyń bolýy mindetti. Anyqtama berilgen kúnnen bastap 72 saǵattan aspaýy kerek. Nemese koronavırýstyq indetke qarsy ekpe nemese qaıta ekpe qabyldaýdyń tolyq kýrsynan ótkeni týraly pasport usyný qajet (sońǵy dozany alǵannan keıin 6 aıdan aspaıtyn merzim). Eger PTR testiniń nátıjeleri nemese COVID-19 vaktsınatsııasynyń pasporty bolmasa, onda jolaýshylar vagonǵa otyrǵyzýǵa jiberilmeıdi», - dep túsindirgen vedomstvodan.


Uqsas jańalyqtar

Jańalyqtar

Úrdis

MURAǴAT