Qosshyda 7 jastaǵy qyz peshtiń ishinde tunshyǵyp kóz jumdy
2022 jylǵy 16 mamyr 12:46

Qosshyda 7 jastaǵy qyz peshtiń ishinde tunshyǵyp kóz jumdy

KÓKShETAÝ. QazAqparat - Aqmola oblysynyń Qosshy qalasynda peshtiń ishine kirip oınaǵan 7 jastaǵy qyz bala kóz jumdy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, bıylǵy jylǵy mamyrdyń 14-inde Qosshy qalalyq PB kezekshi bólimine jedel-járdem stantsııasynyń dıspetcheri habarlasyp, 2015 jylǵy qyz balanyń kóz jumǵanyn aıtty.

«Anyqtalǵandaı, 14 mamyrda Qosshy qalasynda túski ýaqytta 2015 jylǵy qyz jáne 2014 jylǵy ul bala peshtiń ishine kirip oınaǵan. Osy kezde, peshtiń esigi syrtynan jabylyp qalǵan. Saldarynan 7 jastaǵy qyz kóz jumdy, al 8 jastaǵy ul «aýyr dárejeli gıpoksııa» dıagnozymen Nur-Sultan qalasynyń qalalyq balalar aýrýhanasyna jatqyzyldy. Qazirgi kezde tıisti saraptama taǵaıyndaldy», - dedi vedomstvodan.

Eske sala ketsek, Kókshetaýda dúken órtendi .


Uqsas jańalyqtar
Seriktester jańalyqtary

Jańalyqtar

Úrdis

MURAǴAT