Jyl saıyn elimizdiń aýmaǵynda 60-qa jýyq esirtki plantatsııasy anyqtalady – ІІM
2022 jylǵy 16 mamyr 12:42

Jyl saıyn elimizdiń aýmaǵynda 60-qa jýyq esirtki plantatsııasy anyqtalady – ІІM

NUR-SULTAN. QazAqparat – Jyl saıyn Qazaqstan aýmaǵynda 60-qa jýyq esirtki plantatsııasy anyqtalady. Bul týraly QR ІІM Esirtki qylmysyna qarsy is-qımyl departamenti bastyǵynyń mindetin atqarýshy Asqar Muhametqalıev málim etti, dep habarlaıdy QazAqparat tilshisi.

«Jyl saıyn «Qarasora» aýqymdy operatsııasy barysynda biz gashısh pen marıhýanany daıyndaý, saqtaý jáne ótkizýdiń myńnan asa deregin anyqtaımyz. Sonymen qatar, ońtústik aımaqtarda, shalǵaı aýdandarda, úndi marıhýanasynyń úlken plantatsııalary ósiriledi. Mundaı alqaptarda qylmyskerler esiirtkini jınaý úshin jasyryn qoımalar jasaqtaıdy, ósimdikterdi tamshylatyp sýarý júıesin quryp jatady. Osy alqaptarǵa nazar aýdartpaý úshin jumysshylar mamyr aıynan qazanǵa deıin egis basynda turyp jumys isteıdi. Olarǵa azyq-túlik pen barlyq qajetti zattar jetkizilip otyrady», - dedi dedi dedi A. Muhametqalıev onlaın brıfıng barysynda.

Onyń aıtýynsha, osyndaı faktilerdi anyqtaý vedomstvo maýsym men qazan aralyǵynda Qyzylorda oblysy men oǵan irgeles aýdandarda tikushaqpen barlaý júrgiziledi.

«Jyl saıyn osyndaı 60-qa jýyq plantatsııa anyqtalyp, joıylady. Bul shamamen marıhýana egilgen 20 gektar jer. Jyl saıyn 20 tonnadan astam esirtki tárkilenedi», - dedi departament ókili.

«Maýsym aıy ishinde Halyqaralyq nashaqorlyqqa qarsy kúres kúni qarsańynda elimizde keń aýqymdy profılaktıkalyq aktsııa ótkiziletin bolady. Qazirdiń ózinde onyń uıymdastyrylýyna respýblıkalyq jáne jergilikti deńgeıde barlyq memlekettik organdar men úkimettik emes uıymdar tartylyp otyr», - dedi Asqar Muhametqalıev.

Budan buryn habarlanǵandaı, bıyl 4 aıda elimizdiń aýmaǵynda 11 esirtki zerthanasy joıyldy.

Esirtkiniń transulttyq arnasyn joıý kezinde 13 qazaqstandyq ustaldy.

Jyl basynan esirtki taratýǵa qatysty 655 ınternet-resýrs anyqtaldy.



Uqsas jańalyqtar

Jańalyqtar

Úrdis

MURAǴAT