Almatyda 13 myńnan astam adam jumyssyz retinde tirkelgen
2022 jylǵy 16 mamyr 12:25

Almatyda 13 myńnan astam adam jumyssyz retinde tirkelgen

ALMATY. QazAqparat - Halyqty jumyspen qamtý ortalyǵyna jyl basynan beri 17261 adam júgingen, onyń ishinde 13460 jumys izdeýshi retinde tirkeldi. Bul týraly brıfıng barysynda Almaty qalalyq Jumyspen qamtý ortalyǵynyń dırektory Dılıara Imanqulova málim etti, dep habarlaıdy QazAqparat tilshisi.

Spıkerdiń sózinshe, halyqty nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy byltyr úsh baǵyt boıynsha júzege asyryldy.

«Baǵdarlamanyń birinshi baǵyty boıynsha tehnıkalyq, kásiptik bilimmen jáne qysqa merzimdi oqýmen 1031 adam qamtyldy. Jappaı kásipkerlikti damytý úshin 115 adam shaǵyn nesıe aldy. Sonymen qatar, 200 AEK kóleminde 1298 grant berildi. (583400 teńge). Baǵdarlamanyń úshinshi baǵytyna sáıkes, 39245 adam jumysqa ornalasty. Onyń ishinde ýaqytsha -10984 adam, turaqty jumys oryndaryna - 28351 adam»,- dedi Dılıara Imanqulova.

Aıtýynsha, búgingi kúni Jumyspen qamtý ortalyǵyna 17261 adam júgingen. Onyń ishinde 13460 turǵyn jumyssyz retinde tirkelgen.


Uqsas jańalyqtar
Úsh aıda 27 myń elordalyq óz erkimen jumystan ketken
2022 jylǵy 9 tamyz 23:36

Úsh aıda 27 myń elordalyq óz erkimen jumystan ketken

NUR-SULTAN. QazAqparat – Sáýir men maýsym aılary aralyǵynda 27 018 elordalyq óz erkimen jumystan ketken. Bul týraly QazAqparat tilshisiniń saýalyna jaýap bergen Nur-Sultan qalalyq statıstıka departamentiniń baspasóz qyzmetinen habarlady.

«Jedel derekter boıynsha, Nur-Sultan qalasynyń iri jáne orta kásiporyndaryna 2022 jyldyń II toqsanynda 30 027 adam jumysqa qabyldandy. Osy ýaqytta óz erkimen 27 018 adam qyzmetinen ketti. Bul jumystan bosaǵan personaldyń 84,7 paıyzyn quraıdy. Kásiporynnyń jabylýy men qyzmettegi qysqartýlarǵa oraı jumyssyz qalǵan azamattardyń úlesi – 2,1 paıyz. Sonymen qatar óz mindetin atqarýda olqylyqtarǵa jol bergen 12,5 paıyz eńbekker qyzmetten bosatylǵan», - dep jaýap berdi statıstıka departamentinen.

Budan buryn habarlaǵanymyzdaı, búginde elordanyń Halyqty jumyspen qamtý ortalyǵynda jumyssyz retinde 4873 azamat tirkelgen.


ShQO-da zeınet jasyna taıaǵan 287 adam jumyspen qamtylady
2022 jylǵy 8 tamyz 02:22

ShQO-da zeınet jasyna taıaǵan 287 adam jumyspen qamtylady

ÓSKEMEN. QazAqparat – Shyǵys Qazaqstan oblysynda zeınet jasyna taıaǵan 287 adam jumyspen qamtylmaq, dep habarlaıdy QazAqparat tilshisi.

Óńirde 2021-2025 jyldarǵa arnalǵan kásipkerlikti damytýdyń ulttyq baǵdarlamasy júzege asyrylýda. Sonyń aıasynda zeınetkerlikke taıaǵan adamdardy jumysqa ornalastyrý bastaldy.

«Kúmis jas» jobasynyń maqsaty – laıyqty demalystaryna eki jyl qalǵan azamattardyń zeınetaqy shotyndaǵy jınaq somasyn arttyrý. Joba sheńberinde 287 adamdy jumysqa ornalastyrý josparlanyp otyr. Búgingi tańda 10 adam jumysqa ornalasty», - deıdi ShQO jumyspen qamtý jáne áleýmettik baǵdarlamalardy úılestirý basqarmasy basshysynyń orynbasary Doshan Qaıyrǵazınov.

Onyń aıtýynsha, jastardy jumyspen qamtýǵa da basa nazar aýdarylǵan. QR Prezıdentiniń tapsyrmasyna sáıkes «Jastar is-tájirıbesi» jobasy 6-dan 12 aıǵa deıin, «Birinshi jumys orny» jobasy 12-den 18 aıǵa deıin uzartyldy.

Sonymen qatar osy jobalarǵa qatysýshylarǵa memlekettik bıýdjetten tólenetin jalaqy mólsheri de artty. Qazirgi ýaqytta atalǵan baǵdarlamalarǵa qatysýshylarǵa aı saıyn 91 myń 890 teńge tólenedi.


«Jastar tájirıbesi»: Petropavlda 176 adam kásiporyndarǵa jumysqa ornalastyrylmaq
2022 jylǵy 4 tamyz 14:57

«Jastar tájirıbesi»: Petropavlda 176 adam kásiporyndarǵa jumysqa ornalastyrylmaq

PETROPAVL. QazAqparat – Petropavlda jumys taba almaı júrgen túlekterdi qoldaý maqsatynda «Jastar tájirıbesi» baǵdarlamasy iske asyrylyp otyr. Osy kúnge deıin 100 adam 51 kásiporynǵa ornalastyryldy, dep habarlaıdy QazAqparat tilshisi.

Petropavl qalasy ákimdiginiń málimetinshe, oqý oryndaryn bitirgen, biraq jumysqa ornalasa almaı júrgen jastarǵa 2021-2025 jyldarǵa arnalǵan kásipkerlikti damytý jónindegi ulttyq joba aıasynda qoldaý kórsetiledi. Jobanyń birneshe baǵyty bar, olar: jastar tájirıbesi, áleýmettik jumys orny, qoǵamdyq jumystar, alǵashqy jumys orny, urpaqtar kelisimi.

Sondaı-aq qysqa merzimdi kýrstan ótip, naryqta suranysqa ıe mamandyqty meńgerýge bolady nemese «Bastaý Bıznes» baǵdarlamasy arqyly kásipkerlik negizderin meńgerip, qaıtarymsyz grant alyp, óz isin ashýǵa múmkindik bar. Bıyl óńirde jastarǵa jáne halyqtyń áleýmettik osal toptaryna 799,4 mln teńgeniń 655 granty berilmek.

Mamandardyń aıtýynsha, «Jastar tájirıbesi» baǵdarlamasyna qatysý úshin jumyspen qamtý ortalyǵyna ótinish qaldyrý kerek. Petropavl qalasynda bıyl oqý oryndarynyń túlegi - 176 adamdy jumysqa ornalastyrý josparlanǵan. Olardyń 99-y oblys ortalyǵyndaǵy 51 kásiporynǵa jiberildi. Basymdyq berilgen mamandyqtar – zańgerler, baǵdarlamashylar, agronomdar, tehnık-qurylysshylar, býhgalterler, aýdarmashylar, ekologtar men geologtar.

Jalpy Soltústik Qazaqstan oblysynda bıyl 2021-2025 jyldarǵa arnalǵan kásipkerlikti damytý jónindegi ulttyq joba aıasynda 274 adamdy áleýmettik jumys oryndaryna, 476 adamdy «Jastar tájirıbesi» boıynsha, 2184 adamdy qoǵamdyq jumystarǵa, 231 adamdy «alǵashqy jumys orny», «urpaqtar kelisimi», «kúmis jas» jobalary boıynsha ornalastyrý kózdelgen.


Jańalyqtar

Úrdis

MURAǴAT