Qyzylordada qańtar oqıǵasynda polıtsııa ǵımaratyna qarýly shabýyl jasaǵandar ustaldy
2022 jylǵy 16 mamyr 11:40

Qyzylordada qańtar oqıǵasynda polıtsııa ǵımaratyna qarýly shabýyl jasaǵandar ustaldy

QYZYLORDA. QazAqparat - Qyzylordada qańtar oqıǵasy kezinde polıtsııa ǵımaratyna qarýly shabýyl jasaǵan úsh azamat ustaldy, dep habarlaıdy QazAqparat tilshisi.

Bul baǵytta jedel is-sharalar júrgizildi. Nátıjesinde polıtsııa jáne prokýratýra qyzmetkerleri úsh turǵyndy ustady.

«Atalǵan azamattar 5 qańtar kúni adamdar tobymen Jergilikti polıtsııa qyzmeti basqarmasynyń ǵımaratyna atys qarýyn qoldanyp, qarýly shabýyl jasaǵan. Olar qamaqqa alynyp, qarý tárkilendi. Bul derek boıynsha sotqa deıingi tergep-tekserý áreketteri jalǵasýda», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada tergeý ızolıatoryna ákelgen palaý ishinen telefon shyqty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT