Ótken táýlikte koronavırýs pnevmonııasyn juqtyrǵandar tirkelgen joq
2022 jylǵy 16 mamyr 10:32

Ótken táýlikte koronavırýs pnevmonııasyn juqtyrǵandar tirkelgen joq

NUR-SULTAN. QazAqparat – Ótken táýlikte koronavırýstyq ınfektsııa belgileri bar pnevmonııa tirkelmedi, dep habarlaıdy QazAqparat coronavirus.kz saıtyna silteme jasap.

Saıttaǵy málimetterge qaraǵanda, ótken táýlikte koronavırýs pnevmonııasynan 36 adam jazyldy.

2020 jylǵy 13 naýryzdan beri barlyǵy 89066 koronavırýs pnevmonııasyn juqtyrǵan bolsa, 5354 adam atalmysh derten qaıtys bolǵan. Jazylyp shyqqandar sany 83606.


Uqsas jańalyqtar
Shyńjańnyń iri qalalarynda koronavırýstyń órshýine baılanysty shekteý engizildi
2022 jylǵy 10 tamyz 15:26

Shyńjańnyń iri qalalarynda koronavırýstyń órshýine baılanysty shekteý engizildi

BEIJІŃ. QazAqparat – 4 mıllıonnan astam halqy bar QHR Shyńjań-Uıǵyr avtonomııalyq ólkesiniń (ShUAÓ) ákimshilik ortalyǵy Úrimshide koronavırýstyń órshýine baılanysty bes kúndik shekteýler engizildi, dep habarlaıdy QazAqparat menshikti tilshisi indetpen kúres jónindegi jergilikti shtabqa silteme jasap.

Seısenbiden bastap Úrimshi qalasynyń alty aýdanynyń turǵyndaryna kóshege shyǵýǵa shekteý qoıyldy. ShUAÓ ákimshilik ortalyǵynda «statıstıkalyq basqarý» engiziledi jáne turǵyn oramdar, tipti jeke aýlalarǵa deıin «bir ret kirip-shyǵý» qaǵıdaty qatań saqtalatyn bolady.

Mýnıtsıpaldy memlekettik organdar men barlyq deńgeıdegi mekemelerdiń qyzmetkerleri qashyqtan jumys rejımine aýysady. Tek aýylsharýashylyq bazarlary, qajetti taýarlary bar dúkender, dárihanalar men aýrýhanalar ashyq bolady. Qalalyq qoǵamdyq kólik qozǵalysy ýaqytsha toqtatyldy.

Habarlamada aıtylǵandaı, bes kún ishinde asa qajettilik bolmasa, Úrimshi qalasyna kelýge tyıym salynady. Bul rette áýe, avto jáne temirjol qatynasy qalypty rejımde jumys isteıtin bolady.

Kovıdke qatysty shekteý 500 myńǵa jýyq halqy bar Inın (QHR ShUAA) qalasynda da engizildi.

Sońǵy málimetter boıynsha, jalpy alǵanda, shilde aıynyń sońynan bastap ShUAÓ-de 500-den astam asımptomatıkalyq koronavırýs tasymaldaýshysy anyqtaldy. Olardyń kópshiligi Inın qalasynda (405 jaǵdaı) tirkelgen.

COVID-19 aýrýy Shyńjańnyń basqa da iri eldi mekenderinde – Úrimshi, Hotan, Týrfan, Aqsý, Bole jáne Hamı qalalarynda, sondaı-aq Qashǵar, Tachen jáne Altaı okrýgterinde tirkelgen.

Ótken táýlikte ShUAÓ-de koronavırýstyń 120-dan astam sımptomsyz tasymaldaýshysy tirkelgen, onyń 70-ten astamy Inın qalasynda anyqtalǵan.


Foto: Getty Images


COVID-19: Japonııa halqynyń sany 726 342 adamǵa azaıdy
2022 jylǵy 10 tamyz 13:35

COVID-19: Japonııa halqynyń sany 726 342 adamǵa azaıdy

NUR-SULTAN. QazAqparat – Japonııa halqynyń sany 125,93 mıllıonǵa deıin azaıdy. 1 qańtardaǵy jaǵdaı boıynsha alynǵan bul derek – 2013 jyldan bergi rekordtyq kórsetkish, dep habarlaıdy QazAqparat KYODO NEWS agenttigine silteme jasap.

Eldiń ishki ister mınıstrligi jarııalaǵan málimetterge sáıkes, halyq sany – 125 927 902 adam, onyń ishinde turaqty túrde turatyn sheteldikter de bar.

Japonııanyń Okınavadan basqa barlyq 47 prefektýrasynyń halqy azaıǵan. Sonymen birge, Tokıoda jáne Saıtama, Tıba men Kanagava prefektýralarynda turǵyndary sany kemip otyr.

Ólim-jitim týý kórsetkishinen basym, sondaı-aq COVID-19 pandemııasyna baılanysty shekaradaǵy shekteýler sheteldikter sanynyń tómen bolýyna ákelgen.



Foto: english.kyodonews.net




Omıkron-nındzıa: Belarýsta koronavırýstyń jańa shtamy tabyldy
2022 jylǵy 10 tamyz 12:03

Omıkron-nındzıa: Belarýsta koronavırýstyń jańa shtamy tabyldy

NUR-SULTAN. QazAqparat - Belarýsta koronavırýstyń jańa shtamy tabyldy. Ol «omıkron-nındzıa» dep atalady. Birinshi juqtyrǵan adam Mınskide, ekinshisi Vıtebskide. Eki jaǵdaı da zerthanalyq túrde rastaldy. Naýqastar vırýsty jeńil túrde ótkizýde.

Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııasyna silteme jasap habarlaıdy.

«Omıkron-nındzıa» aǵzaǵa tez enip, ımmýnıtetti álsiretedi jáne antıdenelerdi elemeıdi. Ony juqtyrǵan naýqas 12 adamǵa juqtyrýy múmkin. Bul basqa shtamdarǵa qaraǵanda eki ese kóp.

Omıkronnyń jańa kishi túri – Ońtústik Afrıkadan mýtatsııalanǵan vırýstyń besinshi jelisi. Qazir bul shtamm AQSh pen Batys Eýropada keń taralǵan.

«Bul negizinen turaqty túrde mýtatsııaǵa ushyraıtyn «omıkron». Sondyqtan biz klınıka boıynsha aýyrtpalyq pen aǵymnyń aýyrlyǵy jaǵynan qandaı da bir erekshe jaǵdaılardy kútpeımiz. Emniń bastalý jyldamdyǵy, kontagıozdigi – onyń basqalardan aıyrmashylyǵy. Munda biz omıkron shtamy bolǵan kezdegi sońǵy tolqynnan ol aýrýdyń aýyrlyǵy men aǵymynyń jumsaq túrin týdyrǵanyn kórdik», – dedi Belarýstiń bas memlekettik sanıtarııalyq dárigeri.


Jańalyqtar

Úrdis

MURAǴAT