Baıden sýpermarkettegi shabýyl kezinde mert bolǵandardyń jaqyndarymen kezdespek
2022 jylǵy 16 mamyr 08:51

Baıden sýpermarkettegi shabýyl kezinde mert bolǵandardyń jaqyndarymen kezdespek

NUR-SULTAN. QazAqparat - AQSh prezıdenti Djo Baıden senbi kúni atys bolǵan Nıý-Iorktegi Býffaloǵa barady, dep habarlaıdy QazAqparat reseılik TASS jańalyqtaryna silteme jasap.

Sapar barysynda Baıden atys qurbandarynyń týystary jáne jaqyndarymen kezdespekshi.

Polıtsııanyń habarlaýynsha, 18 jastaǵy aq násildi amerıkalyq Peıton Gendron senbi kúni Býffalo qalasyndaǵy sýpermarketke kelýshilerge oq jaýdyrǵan. Nátıjesinde 10 adam qaza taýyp, úsheýi jaralandy. Kúdikti polıtsııaǵa tapsyryldy.

Aldyn ala málimet boıynsha, kúdikti qara násildilerge oq atqan. Bılik bul násildik tózimsizdik negizinde jasalǵan qylmys dep esepteıdi. Tergeýshilerdiń aıtýynsha, Gendron qarýdy zańdy túrde alǵan.



Uqsas jańalyqtar

Jańalyqtar

Úrdis

MURAǴAT