Balalar kúnine birjolǵy járdemaqy tólenetini týraly aqparat jalǵan - mınıstrlik
2022 jylǵy 15 mamyr 15:09

Balalar kúnine birjolǵy járdemaqy tólenetini týraly aqparat jalǵan - mınıstrlik

NUR-SULTAN. QazAqparat - 1 maýsym – Halyqaralyq balalardy qorǵaý kúnine oraı 18 jasqa deıingi balalary bar otbasylarǵa «Kaspi gold» mobıldi qosymshasyndaǵy áleýmettik shot arqyly birjolǵy járdemaqy tólenetini týraly aqparat jalǵan. Bul týraly Eńbek mınıstrligi habarlady.

«Azamattardan jalǵan aqparattarǵa nazar aýdarmaýdy jáne aqparatty tek resmı derekkózderden paıdalanýdy suraımyz. jalǵan aqparat taratý zańmen jazalanady», - delingen mınıstrlik habarlamasynda.

Aıta ketsek, «Kaspi gold» qosymshasynda respýblıkalyq bıýdjetten bala týǵanda beriletin birjolǵy járdemaqyny resimdeý boıynsha memlekettik qyzmet júzege asyrylǵan. Sondaı-aq joǵaryda kórsetilgen qosymsha arqyly azamattar respýblıkalyq bıýdjetten jumys istemeıtin áıelder úshin bir jasqa deıingi bala kútimi boıynsha járdemaqy resimdeı alady. Járdemaqy mólsheri otbasyndaǵy balalar sanyna baılanysty saralanady. Osy jyly birinshi balaǵa aı saıyn 17 643 teńge (5,76 AEK), ekinshi balaǵa – 20 860 teńge (6,81 AEK), úshinshi balaǵa – 24 045 teńge (7,85 AEK), tórtinshi jáne odan keıingi balaǵa – 27 261 teńge (8,90 AEK) tólenedi.

1 mamyrdaǵy jaǵdaı boıynsha bul járdemaqyny orta eseppen 46,5 myń adam 4,7 mlrd teńge somaǵa aldy.


Jańalyqtar

Úrdis

MURAǴAT