Qazaqstandyq jas tennısshiler halyqaralyq týrnırlerde chempıon atandy
2022 jylǵy 14 mamyr 22:07

Qazaqstandyq jas tennısshiler halyqaralyq týrnırlerde chempıon atandy

NUR-SULTAN. QazAqparat - Qazaqstandyq jas tennısshiler halyqaralyq týrnırlerde chempıon atandy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, Ystanbul qalasynda tórtinshi sanattaǵy ITF Juniors dodasynda Asyljan Arystanbekova men Aııa Nupbaı juptyq synda top jardy. Olar fınalda qazaqstandyq Karına Jumajanova - mysyrlyq Marıam Ibrahımdi 6:1, 6:2 esebimen utty.

Bir apta buryn Asyljan men Aııa Ystanbulda osyndaı jarysta úzdik shyqqan edi.

18 jasqa deıingi tennısshiler arasynda Dýshanbe qalasynda ótken dál osyndaı halyqaralyq týrnırde Artýr Haırýtdınov pen Islam Orynbasarǵa teń keler eshkim bolmady. Olar sońǵy básekede Belarýs ókilderi Artem Alekseıchýk - German Dýmsheden aılasyn asyrdy - 6:2, 7:5.

Islamnyń absolıýtti chempıon atanatyndaı múmkindigi boldy. Degenmen ol jekeleı synda fınalda reseılik Oleg Kolnınovqa jol berdi.

Qyzdar arasynda qazaqstandyqtar Qaraqat Qoılybaeva men Raısa Petrovskaıa fınalǵa deıin jetip, reseılikter Varvara Panshına - Mılına Sýbhankýlovaǵa ese jiberdi - 2:6, 3:6.

Slovenııada 14 jasqa deıingiler arasynda ekinshi sanattaǵy Tennis Europe - Grawe Open serııasymen ótken dodada Damır Jalǵasbaı juptyq synda chempıondyq ataqqa qol jetkizdi. Ol ýkraınalyq Nıkıta Belozerttsevpen birge fınalda úsh setke sozylǵan tartysty matchta jarystyń altynshy raketkalary, shvetsııalyq Lınýs Anderson - danııalyq Mads Brýnhabıdi jeńdi - 4:6, 6:2, 10:4.

Eske sala keteıik, budan buryn Andreı Golýbevtiń Rım masters týrnıriniń jartylaı fınalyna shyqqanyn , qazaqstandyq tennısshiniń Marokkodaǵy jarysty sátti bastaǵanyn jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT