Almatyda egde jastaǵy áıelderdi tonaǵan er adam ustaldy
2022 jylǵy 14 mamyr 14:23

Almatyda egde jastaǵy áıelderdi tonaǵan er adam ustaldy

ALMATY. QazAqparat - Almatylyq polıtseıler 30-dan astam egde jastaǵy áıeldi tonap ketken er adamdy ustady, dep habarlaıdy QazAqparat tilshisi.

1984 jyly týǵan K. esimdi kúdiktini Almaly aýdanynyń polıtsııa qyzmetkerleri jedel-izdestirý is-sharalary barysynda ustady.

«Qalanyń Áýezov, Bostandyq, Medeý aýdandarynyń aýmaǵynda onyń 30-ǵa jýyq qylmysy tirkeldi. Ol ózine tek zeınet jasyndaǵy qurbandardy izdegen. Qolynda aýyr sómkesi bar egde jastaǵy adamdarǵa ádepti, tárbıeli adam sııaqty kóringen ol, ájelermen áńgimelesip, sómkelerin páterge deıin jetkizip berýdi usynyp, artynsha aqsha, ámııan, uıaly telefondaryn urlap júrgen»

, - dedi Almaly aýdandyq polıtsııa basqarmasynyń bastyǵy Esen Ysqaqov.

Kúdiktiniń buryn da sotty bolǵany anyqtaldy.

Qazir ol ýaqytsha ustaý ızolıatorynda qamaýda otyr.

Eske sala ketsek, eki jigit Almaty zoobaǵyndaǵy jolbarysty yzalandyrdy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT