Qostanaı oblysynyń on shaqty aýylynda jańa sport kesheni salynady
2022 jylǵy 13 mamyr 21:29

Qostanaı oblysynyń on shaqty aýylynda jańa sport kesheni salynady

QOSTANAI. QazAqparat – Qostanaı oblysynyń birqatar aýyly men kentinde eki jyl ishinde sport keshenderi salynady, dep habarlaıdy QazAqparat tilshisi.

Bıyl Qostanaıda 50 metrlik júzý basseıni men Muz sport saraıynyń qurylysy aıaqtaldy, dep habarlady oblystyq dene shynyqtyrý jáne sport basqarmasynyń basshysy Qaıyrjan Esimtaev.

«Investıtsııalyq qorjynda Qarabalyq kentinde, Amanqaraǵaı, Zarechnoe, Borovskoe, Harkovskoe, Qarameńdi, Sarykól, Áıet aýyldarynda, sondaı-aq Amangeldi, Qarasý jáne Rýdnyı aýyldarynda sport keshenderin salý jobalary bar. Bul jobalardy 2023-2024 jyldary júzege asyrý josparlanyp otyr», - dedi Q.Esimtaev óńirlik kommýnıkatsııalar qyzmetinde ótken brıfıngide.

Vedomstvoda atap ótkendeı, pandemııadan keıingi kezeńge qaramastan, qostanaılyqtardyń sportpen belsendi aınalysýǵa degen qyzyǵýshylyǵy áli de óshken joq.

«2021 jyldyń qorytyndysy boıynsha dene shynyqtyrýmen jáne sportpen júıeli túrde 297,6 myń adam aınalysqan. Bul oblys halqynyń 34,7%-yn quraıdy. Jas sanattary boıynsha olardyń 53,2 myńy – 13 jasqa deıingi balalar, 120,3 myńy – jastar, 117,5 myńy – 30-60 jas aralyǵyndaǵylar, 6,4 myńy – zeınet jasyndaǵylar», – dep atap ótti vedomstvo basshysy.

Basqarma ótken jyly balalar men jasóspirimderge arnalǵan tegin sport sektsııalaryn uıymdastyrý jumysyn jolǵa qoıdy. Qarabalyq, Qamysty, Qarasý jáne Qostanaı aýdandarynda tórt jańa balalar men jasóspirimder dene shynyqtyrý klýby quryldy, olarda balalarǵa arnalǵan 36 jańa sektsııa ashyldy. Qazir olarǵa 654 bala barady.

Qazirgi ýaqytta sport sektsııalaryndaǵy 55 klýbta 10 409 jasóspirim bar. Balalar men jasóspirimder sport mektepterinde 43 jańa sport sektsııasy qurylǵan. Oblysta barlyǵy tórt myńnan astam sektsııa bar, onda 78 myńǵa jýyq bala, ıaǵnı oqýshylardyń 69,8% -y sportpen aınalysady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT