Qazaqstanda baspana satyp alýshylar sany azaıdy
2022 jylǵy 13 mamyr 09:10

Qazaqstanda baspana satyp alýshylar sany azaıdy

NUR-SULTAN. QazAqparat - 2022 jylǵy sáýirde turǵyn úıdi satyp alý-satý boıynsha 52520 mámile tirkeldi. Bul naýryz aıymen (67 801) salystyrǵanda 22,5% kem, dep habarlaıdy QazAqparat Ulttyq statıstıka bıýrosyna silteme jasap.

Satyp alýdyń eń kóp sany Qaraǵandy oblysynda – 8 898, odan keıin Almaty jáne Nur-Sultan qalalarynda, tıisinshe 6 583 jáne 5 900 shart. Naýryz aıynda da dál osy úsh aımaq turǵyn úı naryǵynyń saýdasynda kósh bastaǵan bolatyn. Mámile sany eń az bolǵan óńir – Soltústik Qazaqstan oblysy, 958.

Qazaqstandyqtardy kóbine kóppáterli úılerdegi turǵyn úı qyzyqtyrǵan, barlyǵy – 38 149 mámile. Kóp páterli úılerdegi bólmeler sany turǵysynan 2-bólmeli páterler suranysqa ıe. Sáýirde 15 myńnan astam 2-bólmeli páter rásimdeldi, al 1-bólmelisi odan sál az – 13 myń. Jeke úıler boıynsha 14 371 mámile rásimdeldi. Jer úılerdi Almaty, Qyzylorda jáne Soltústik Qazaqstan oblystarynyń turǵyndardy qup kórgen.

2022 jylǵy sáýirde turǵyn úıdi satyp alý-satý mámileleriniń sany ótken jyldyń tıisti aıymen salystyrǵanda 12% kemidi. Turǵyn úı naryǵyndaǵy mámilelerdiń ótken jylǵy sáýirmen salystyrǵanda eń kóp kemýi Mańǵystaý oblysynda tirkeldi -48,9%.


Uqsas jańalyqtar

Jańalyqtar

Úrdis

MURAǴAT