Devıs kýbogynda Qazaqstan tennısshileriniń qaı kúnderi oınaıtyny anyqtaldy
2022 jylǵy 13 mamyr 07:47

Devıs kýbogynda Qazaqstan tennısshileriniń qaı kúnderi oınaıtyny anyqtaldy

NUR-SULTAN. QazAqparat – Devıs kýbogynyń toptyq kezeńinde tennısten Qazaqstan quramasynyń qaı kúnderi oınaıtyny belgili boldy, dep habarlaıdy QazAqparat tilshisi.

Devıs kýbogynyń uıymdastyrýshylary málim etkenindeı, barlyq toptaǵy matchtar bıylǵy qyrkúıek aıynda ótedi.

Qazaqstan quramasy Glazgo (Shotlandııa) qalasynda óz oıyndaryn D tobynda ótkizedi.

Qazaqstandyq tennısshiler 13 qyrkúıek kúni Nıderlandy quramasymen kezdesedi. Sodan keıin 15-inde AQSh komandasymen sheberlik baıqasady. 18-inde kort ıeleri – Ulybrıtanııamen kúsh synasady.

Sondaı-aq toptyq básekeler Bolonıa (Italııa), Valensııa (Ispanııa) jáne Gambýrg (Germanııa) qalalarynda ótedi.

Ár toptan eki úzdik qurama pleı-off kezeńine joldama alady. Pleı-off básekeleri Ispanııanyń Malaga qalasynda 21-27 qarasha kúnderi bolady.

Eske sala keteıik, budan buryn Elena Rybakınanyń Rım týrnıriniń shırek fınalyna shyǵa almaǵanyn, ıÝlııa Pýtıntsevanyń álemniń jetinshi raketkasyna jol bergenin jazǵan bolatynbyz.

Esesine Andreı Golýbev Rım masters týrnıriniń shırek fınalyna shyqty.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT