Qaraǵandy oblysynda 363 túlek «Altyn belgige» úmitker
2022 jylǵy 13 mamyr 02:57

Qaraǵandy oblysynda 363 túlek «Altyn belgige» úmitker

QARAǴANDY. QazAqparat – Qaraǵandy oblysynda bıyl 11 synypty 8 789 oqýshy bitiredi. Óńirde 206 myńnan astam bala bilim alýda. Bıyl «Altyn belgi» alýǵa úmitkerler sany – 363, dep habarlaıdy QazAqparat tilshisi.

Oblystyń bas pedagogy Gúlsim Qojahmetova túlekterdiń 401-i, 9-synyp bitiretinderdiń 1 365-i úzdik attestat adam alýy tıis ekenin aıtty.

«28 mamyr-6 maýsym aralyǵynda 9 synyp oqýshylary, 27 mamyr-10 maýsym aralyǵynda 11 synyp oqýshylary qorytyndy attestattaýdan ótedi. 9 synyp oqýshylary tórt jazbasha emtıhan tapsyrady: qazaq/orys tilderinen esse, matematıka, qazaq tili men ádebıeti nemese orys tili men ádebıeti jáne derbes pán boıynsha tańdaý», – dep atap ótti Gúlsim Qojahmetova.

11-synyp bilim alýshylary bes emtıhan tapsyrady: algebra jáne taldaý bastaýlary, qazaq/orys tilderi, qazaq tili men ádebıeti nemese orys tili men ádebıeti, tańdaý páni jáne Qazaqstan tarıhy boıynsha bılettegi suraqtarǵa aýyzsha jaýap beredi.

Qortyndy emtıhandarǵa arnalǵan materıaldar 25 mamyrǵa deıin barlyq bilim bólimderine jetkiziledi. Attestattaý barlyq sanıtarlyq talaptardy saqtaı otyryp, mektep bazasynda júrgiziledi.

Sońǵy qońyraýǵa arnalǵan saltanatty jıyn 25 mamyrda dástúrli formatta uıymdastyrylady.

«Oblys mektepteriniń túlekterine bilim týraly attestattar tapsyrý 16-17 maýsym aralyǵynda ótedi. Bitirý keshterin bilim berý uıymdarynyń kúshimen ótkizý qajet», – dep qosty spıker.

Túlekterge jáne olardyń ata-analaryna merekelik otyrystardan jáne jalǵa alynǵan kóliktermen ekskýrsııadan bas tartý usynyldy. Іs-sharalardy ótkizýge anımatorlardy, merekelik agenttikterdi, ártisterdi, jeke stýdııalardy tartýǵa tyıym salynady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT