Germanııa Qazaqstan ekonomıkasyna 5,5 mlrd dollar ınvestıtsııa saldy
2022 jylǵy 12 mamyr 15:07

Germanııa Qazaqstan ekonomıkasyna 5,5 mlrd dollar ınvestıtsııa saldy

NUR-SULTAN. QazAqparat – Germanııa 2005 jyldan beri Qazaqstan ekonomıkasyna 5,5 mlrd dollar tikeleı ınvestıtsııa saldy. Bul týraly QR Premer-Mınıstriniń birinshi orynbasary Roman Sklıar aıtty, dep habarlaıdy QazAqparat tilshisi.

«Pandemııadan týyndaǵan shekteýler jaǵdaıynda biz ekijaqty ekonomıkalyq yntymaqtastyqty damytý tendentsııasyn saqtap qana qoımaı, sonymen birge onlaın formatty barynsha paıdalana otyryp, naqty jobalar men usynystardy ilgerilete aldyq. Búginde Germanııa Qazaqstannyń mańyzdy seriktesi bolyp otyr. Saýda-ekonomıkalyq yntymaqtastyqty tereńdetýge, ınvestıtsııalardy yntalandyrýǵa jáne ózara qorǵaýǵa baǵyttalǵan birqatar úkimetaralyq kelisim jumys isteıdi», - dedi Roman Sklıar elordada ótip jatqan Qazaqstan-german bıznes forýmynda.

Onyń atap ótýinshe, eki eldiń yntymaqtastyǵy qazirgi ýaqytta da sátti damyp kele jatyr. Memleket basshysy Qasym-Jomart Toqaevtyń 2019 jáne 2020 jyldardaǵy Germanııaǵa saparynan keıin ózara qarym-qatynas qarqyn ala tústi.

«Birlesken ınvestıtsııalyq jobalardy júzege asyrý barysynda týyndaıtyn suraqtar men máselelerdi sheshýge baǵyttalǵan úkimettik jumys toby quryldy. Sonymen qatar yntymaqtastyqtyń aǵymdaǵy máselelerin talqylaý úshin germanııalyq kompanııalarmen aı saıyn, onyń ishinde onlaın formatta da kezdesýler ótkiziledi. Investıtsııa turǵysynan alyp qarasaq, 2005 jyldan beri bizdiń ekonomıkamyzǵa Germanııadan shamamen 5,5 mlrd dollar tikeleı ınvestıtsııa quıyldy. Onyń basym bóligi óńdeý ónerkásibine salyndy», - dedi ol.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT