Keıbir kásipkerler júrgizýshi kýáligine emtıhan qabyldaý múmkindigin almaq
2022 jylǵy 12 mamyr 13:18

Keıbir kásipkerler júrgizýshi kýáligine emtıhan qabyldaý múmkindigin almaq

NUR-SULTAN. QazAqparat – Jekemenshik avtodromy bar kásipkerler júrgizýshi kýáligin alý úshin emtıhan qabyldaý múmkindigine ıe bolmaq. Bul jaıynda Májilis depýtattarynyń saýalyna QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń jaýabynda aıtylǵan, dep habarlaıdy QazAqparat tilshisi.

«Óz avtodromy bar nemese ony salýǵa daıyn kásipkerlerge júrgizýshi kýáligin alý úshin praktıkalyq emtıhan tapsyrý qyzmetin kórsetý múmkindigin qarastyrý máselesi boıynsha «Azamattarǵa arnalǵan úkimet» memlekettik korporatsııasy» kommertsııalyq emes aktsıonerlik qoǵamyna mınıstrlik tarapynan tıisinshe tapsyrmalar berildi. Jekemenshik avtodromy bar kásipkerlerdi, atap aıtqanda qajetti talaptarǵa sáıkes keletin jeke avtodrom qyzmetterin suranysy joǵary aımaqtarǵa tartý boıynsha aldaǵy ýaqytta tıisti jumystar júrgiziletinin nazarlaryńyzǵa salamyz», - delingen Baǵdat Mýsınniń jaýabynda.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT