Ereımentaý aýdanynda beımálim dertten 19 iri qara qyryldy
2022 jylǵy 12 mamyr 12:25

Ereımentaý aýdanynda beımálim dertten 19 iri qara qyryldy

EREIMENTAÝ. QazAqparat - Aqmola oblysynyń Ereımentaý aýdanynda beımálim dertten 19 iri qara qyryldy, dep habarlaıdy QazAqparat tilshisi.

Oblystyq veterınarııa basqarmasynyń málimetinshe, úı janýarlary arasyndaǵy etıologııasy belgisiz aýrý Ereımentaý aýdanynyń 5 eldi mekeninde (Ereımentaý qalasy, Aqmyrza, Erkinshilik, Verenka jáne Eńbek aýyldary) jáne 14 mal jaıylym ýchaskelerinde tirkelgen. Aýdan boıynsha barlyǵy 2,5 myń bas iri qara jáne 1,7 myń bas qoı-eshki aýyrý juqtyrǵan. 19 bas iri qara mal qyryldy.

Qazirgi kezde, veterınarlyq qyzmet mamandary barlyq eldi mekenderdegi aýrý mal basyn tekserip, sımptomatıkalyq em júrgizýde.

«Ereımentaý aýdanynyń veterınarlyq stantsııasy Aqmola oblysynyń vetrınarııa basqarmasy janynan aýrý maldardy emdeý úshin qaıtarymdy qarajat retinde 5 mıllıon teńge somasyna veterınarııalyq preparattar satyp aldy. Zańnamaǵa sáıkes emdeý mal ıeleri esebinen júrgiziledi», - delingen vedomstvo habarlamasynda.

Sonymen qatar Ereımentaý aýdanynda jappaı dertke shaldyqqan úı janýarlarynan alynǵan zerthanalyq synama aýsylǵa teris nátıje kórsetti.

Osy rette, veterınar mamandar janýarlardyń ıelerine etıologııasy belgisiz aýrýdyń aldyn alý sharasy retinde shıki sútti, sondaı-aq onyń negizinde daıyndalǵan ónimderdi qoldanbaýǵa keńes beredi. Aldyn alýdaǵy óte mańyzdy shara-sútti qaınatý jáne pasterleý qajettigin eskertedi.

Aıta ketsek, Aqmolada taǵy bir aýylda 1 myńǵa jýyq mal beımálim dertke shaldyqty.



Uqsas jańalyqtar

Jańalyqtar

Úrdis

MURAǴAT