Qazaqstanda júrgizýshi kýáligin alý kezinde testileýdiń jańa júıesi engiziledi
2022 jylǵy 12 mamyr 12:11

Qazaqstanda júrgizýshi kýáligin alý kezinde testileýdiń jańa júıesi engiziledi

NUR-SULTAN. QazAqparat – Qazaqstanda júrgizýshi kýáligin alý kezinde testileýdiń jańa júıesi engiziledi. Bul jaıynda Májilis depýtattarynyń saýalyna QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń jaýabynda aıtylǵan, dep habarlaıdy QazAqparat tilshisi.

«Іshki ister mınıstrligimen birlesken pılottyq joba aıasynda júrgizýshi kýálikterin berý qyzmetin kórsetý kezinde sáıkestendirýdiń erekshe ádisterin jáne testileýdiń jańa júıesin paıdalaný boıynsha jumys jalǵasýda. Sáıkestendirý testileýdiń basynda da, kezeń-kezeńimen de júzege asyrylady. Jalǵan tulǵalardyń qatysý múmkindigi alynyp tastalady. Jańa júıede teorııalyq jáne praktıkalyq emtıhandardy qabyldaý úderisterine júrgizilgen taldaý qorytyndylary boıynsha tikeleı teorııalyq emtıhan tapsyrý sátinde emtıhan synybynda kompıýterge qashyqtan qosylý bóliginiń osal tustary joq. Teorııalyq emtıhannyń teris nátıjesin keıinnen oń nátıjemen aýystyrý múmkindigine de jol berilmeıdi»,- delingen mınıstr jaýabynda.

Baǵdat Mýsıniń atap ótýinshe, testileý ýderisi tolyǵymen «juqa» klıentke aýystyryldy. OGnyń artyqshylyǵy ónimdilikti arttyrý, sondaı-aq aqparattyq qaýipsizdik deńgeıin kóterý bolyp sanalady.

«Búgingi kúni testileý júıesine zańsyz aralasý bóligindegi osaldyqtar alynyp tastaldy. Sonymen qatar, jelilik ınfraqurylym naqty ýaqyt rejıminde baqylaý úshin oqıǵalar men qaýipsizdik aqparatyn jınaý jáne taldaý júıesimen (SIEM júıesi) biriktirilgen. Joǵaryda atalǵan jańa testileý júıesiniń arqasynda, aldyńǵy jyldarmen salystyrǵan kezde qazirgi tańda emtıhandy tapsyrý edáýir joǵary sapada ótetindigin, úmitkerlerdiń basym bóligi qajetti nátıje jınaı almaý saldarynan qaıta emtıhan tapsyryp jatqanyn, sonyń saldarynan júrgizýshi kúáligin alý boıynsha júginip jatqan úmitkerlerdiń sany artyp otyrǵanyn aıtyp ótý qajet», - dedi ol.


Uqsas jańalyqtar
Mýsın «Roskosmos» basshysyna «Baıqońyr» kesheninde týrızmdi damytýdy usyndy
2022 jylǵy 10 tamyz 16:33

Mýsın «Roskosmos» basshysyna «Baıqońyr» kesheninde týrızmdi damytýdy usyndy

NUR-SULTAN. QazAqparat - 2022 jylǵy 9 tamyzda QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın men «Roskosmos» memlekettik korporatsııasynyń bas dırektory ıÝrıı Borısov Baıqońyr ǵarysh aılaǵynda kezdesti, dep habarlaıdy QR Tsıfrlyq damý, ınnovatsııalar jáne aeroǵarysh ónerkásibi mınıstrliginiń baspasóz qyzmeti.

QR TsDIAÓM basshysy Roskosmostyń jańa basshysyn osy qyzmetke taǵaıyndalýymen jáne bortynda 17 ǵarysh qurylǵysy bar «Soıýz-2.1b» zymyranynyń sátti ushyrylýymen quttyqtady.

Kezdesý barysynda taraptar «Báıterek» jobasyn júzege asyrý máselesin talqylap, alǵashqy ushyrylym synaǵynyń merzimin 2024 jylǵa jyljytý qajettigin atap ótti.

Taraptar Soıýz-5 zymyran-tasyǵyshy men jerústi keshenin jasaý jumystarynyń kestesin ózara sáıkestendirdi.

Ǵarysh salasyndaǵy ekijaqty yntymaqtastyqty nyǵaıtý maqsatynda normatıvtik-quqyqtyq bazalardy damytý máselesi qarastyryldy.

Sondaı-aq Baǵdat Mýsın Roskosmos basshysymen Baıqońyr ǵarysh aılaǵynda týrızmdi damytý týraly sóılesip, týrısterdi keshenge ótkizý tártibin onlaın júıe arqyly jeńildetýdi usyndy.

«Tsıfrlyq formatta onlaın kirý júıesin qoldaný arqyly «Baıqońyr» keshenindegi týrızmdi damytýǵa bolady», - dedi Baǵdat Mýsın.

Kezdesýge QR Prezıdentiniń «Baıqońyr» keshenindegi arnaıy ókili Qaırat Nurtaı da qatysty.



Egov.kz júıede bolýy múmkin aqaýlar týraly eskertti
2022 jylǵy 6 tamyz 20:18

Egov.kz júıede bolýy múmkin aqaýlar týraly eskertti

NUR-SULTAN. QazAqparat - Bir táýlik boıy EGOV.KZ júıesinde bolýy yqtımal tehnıkalyq aqaýlar týraly eskertildi, dep habarlaıdy QazAqparat.

«Qurmetti paıdalanýshylar! 2022 jylǵy 6 tamyz saǵat 21:00-den 2022 jylǵy 7 tamyz saǵat 21:00-ge deıin tehnıkalyq jumystar júrgiziletin bolady. Osy ýaqytta «Ulttyq aqparattyq tehnologııalar» AQ súıemeldeıtin aqparattyq júıeler ýaqytsha qoljetimsiz bolýy múmkin», - delingen EGOV.KZ Telegram-kanalynda.


Qyrkúıekten bastap Otbasynyń tsıfrlyq kartasy júzege asyrylady
2022 jylǵy 6 tamyz 12:05

Qyrkúıekten bastap Otbasynyń tsıfrlyq kartasy júzege asyrylady

NUR-SULTAN. QazAqparat – Otbasynyń tsıfrlyq kartasy memlekettik kepildik túrlerin alý quqyǵyn júzege asyrýǵa múmkindik beredi, dep habarlaıdy QazAqparat.

Atap aıtqanda, QR Eńbek jáne halyqty áleýmettik qorǵaý mınıstri Tamara Dúısenova Іshki ister jáne Ádilet mınıstrlikteriniń, Nur-Sultan, Almaty, Shymkent qalalary jáne oblystar ákimdikteriniń ókilderiniń qatysýymen Otbasynyń tsıfrlyq kartasyn iske qosýǵa daıyndyq barysyn talqylady. Jınalys qorytyndysy boıynsha 1 qyrkúıekten bastap Otbasynyń tsıfrlyq kartasyn jekelegen memlekettik kepildik túrleri boıynsha pılotty túrde júzege asyrý týraly sheshim qabyldandy.

Otbasynyń tsıfrlyq kartasy – memlekettik kepildikter boıynsha otbasynyń bazasy. Ol árbir otbasynyń quramy men ál-aýqat deńgeıine qaraı memlekettik kepildik túrlerin alý quqyǵyn júzege asyrýǵa múmkindik beredi.

«Máselen, bir jasqa tolmaǵan balasy bar otbasy bala týýy boıynsha beriletin járdemaqy alýǵa quqyly. Kámelet jasqa tolmaǵan tórt jáne odan da kóp balasy bar otbasy bala 18-ge tolǵansha aı saıyn járdemaqy alady. Múgedek bala tárbıelep otyrǵan otbasy múgedektik boıynsha beriletin járdemaqy ala alady. Osyndaı mysaldar óte kóp. Otbasynyń tsıfrlyq kartasyn engizý memleket taǵaıyndaǵan járdemaqylardy proaktıvti formatta, ıaǵnı tólem alýshynyń ótinishin kútpeı berýdi kózdeıdi», - delingen Eńbek mınıstrligi málimetinde.

Otbasynyń tsıfrlyq kartasynyń jumys algorıtmine toqtalsaq, memlekettik kepildik alýǵa quqyǵy bar otbasyna Eńbek mınıstrliginen SMS-habarlama joldanady. Onda azamattyń memlekettik kepildik alýy múmkin ekeni jazylady. Budan bólek, SMS-habarlamada azamatqa memlekettik kepildikti proaktıvti formatta taǵaıyndaýǵa kelisý nemese kelispeý quqyǵy beriledi. Eger azamat kelisken jaǵdaıda, onda oǵan járdemaqy taǵaıyndalady. Ol keıin tólem alýshynyń shotyna túsedi.

Budan buryn habarlanǵandaı, elimizde otbasynyń tsıfrlyq kartasy ázirlenip jatyr.

Memleket basshysy Qasym-Jomart Toqaev Úkimetke jyl sońyna deıin Otbasynyń tsıfrlyq kartasyn iske qosýdy tapsyrdy.


Foto: chicagoildivorcelawyer.com




Jańalyqtar

Úrdis

MURAǴAT