Qordaǵy zeınetaqy aktıvteri sáýirde 12 trln teńgeni quraǵan
2022 jylǵy 12 mamyr 10:57

Qordaǵy zeınetaqy aktıvteri sáýirde 12 trln teńgeni quraǵan

NUR-SULTAN. QazAqparat – Sáýir aıynyń sońyndaǵy jaǵdaı boıynsha Qazaqstannyń zeınetaqy aktıvteriniń jyldyń kiristiligi 8 paıyz bolǵan, dep habarlaıdy QazAqparat tilshisi.

«Biryńǵaı jınaqtaýshy zeınetaqy qorynyń zeınetaqy aktıvteri sáýirde 12,9 trln teńgeni qurady. Jyl basynan beri ınvestıtsııalyq kiris shamamen 136,5 mlrd teńge, zeınetaqy jarnalary – 524 mlrd teńge, zeınetaqy tólemderi – 89,6 mlrd teńge boldy. Sońǵy 12 aıda zeınetaqy aktıvteriniń kiristiligi 8%-dy qurady. Bul rette jınaqtaýshy zeınetaqy júıesiniń ornyqtylyǵy turǵysynan kiristilik pen ınflıatsııa kórsetkishterin uzaq ýaqyt ólsheminde qarastyrǵan jón. Máselen, sońǵy 3 jáne 5 jylda ınflıatsııanyń, tıisinshe, 8,96% jáne 7,64% máninde zeınetaqy aktıvteriniń kiristiligi 9,25% jáne 9,44%-dy qurady», - dedi QR Ulttyq bankiniń tóraǵasy Ǵalymjan Pirmatov Úkimet otyrysynda.

Onyń aıtýynsha, Ulttyq bank naryqtaǵy jaǵdaıdy únemi qadaǵalap, sanktsııalardyń Qazaqstannyń qarjy júıesine áser etý dárejesin baǵalap otyr.

«Ulttyq baǵa jáne qarjy turaqtylyǵyn qamtamasyz etýge baǵyttalǵan sharalar qabyldaýdy jalǵastyrady», - dedi Ulttyq bank basshysy.

Buǵan deıin Ulttyq bank teńge baǵamyn turaqtandyrý sharalaryn júrgizip jatqanyn málim etken bolatyn.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT