Qazaqstannyń birneshe qalasynda Koreı fılmderiniń festıvali ótedi
2022 jylǵy 6 mamyr 22:41

Qazaqstannyń birneshe qalasynda Koreı fılmderiniń festıvali ótedi

NUR-SULTAN. QazAqparat – Qazaqstanda Koreı fılmderiniń festıvali etedi. Bul shara elimizde 11 márte ótkizilip otyr, dep habarlaıdy QazAqparat.

Elordadaǵy Koreı mádenı ortalyǵynyń habarlaýynsha, festıval aıasynda koreı fılmderi Taldyqorǵan (14 mamyr), Aqtaý (21 mamyr) jáne Qostanaı (28 mamyr) qalalarynda kórsetiledi.

Sońǵy birneshe jylda atalǵan festıval koronavırýs jaǵdaıynyń ýshyǵýyna baılanysty onlaıyn formatta ótkizilgen. Alaıda bıyl eldegi epıdemıologııalyq ahýaldyń jaqsarýyna baılanysty fılmder oflaın kórsetilmek.

«Biraz jyldan beri COVID-19 taralýyna baılanysty bizdiń mádenı ortalyq sharalaryn ótkizýde qıynshylyqtar týyndaǵan bolatyn. Qazir jaǵdaı jaqsy jaqqa ózgerdi. Bıyl Qazaqstan men Ońtústik Koreıa arasyndaǵy mádenı jáne dıplomatııalyq qarym-qatynastardyń ornaǵanyna 30 jyl tolyp otyr. Osyǵan baılanysty bizde kóptegen shara ótkiziledi», - dedi elordadaǵy Koreı mádenı ortalyǵynyń dırektory Lı Heran.

Osy jolǵy festıvalde qazaqstandyq kórermenderge «Kishkentaı orman» jáne «Tonnel» atty eki koreı kartınasy usynylmaq. Eki fılmde de Koreıanyń tynys tirshiligi, onda turatyn adamdardyń ómiri týraly qyzyqty sátter qamtylǵan.


Jańalyqtar

Úrdis

MURAǴAT