Energetıka mınıstri 4 jer qoınaýyn paıdalanýshymen kelisimshartty buzdy
2022 jylǵy 25 sáýir 18:53

Energetıka mınıstri 4 jer qoınaýyn paıdalanýshymen kelisimshartty buzdy

NUR-SULTAN. QazAqparat – QR Energetıka mınıstrligi munaı-gaz ken oryndary jer qoınaýyn ıgerýge qatysty 27 kelisimshart jasasqan. Bul týraly atalǵan vedomstvonyń basshysy Bolat Aqsholaqov aıtty, dep habarlaıdy QazAqparat tilshisi.

«Igerilip jatqan ken oryndary – kontsessııalyq ken orny. Árbir kelisimsharttyń merzimi bar. Teńiz kelisimsharty 2033 jyly aıaqtalady, 10 jyldan sál asatyn merzim qaldy. Ol ózdiginen bitedi. Kelisimshart tabysty, salyq tólep otyr. Ken oryndary jekemenshikke emes, ýaqytsha ǵana beriledi», - dedi Bolat Aqsholaqov Senatty ótken Úkimet saǵatynan keıin BAQ ókilderiniń saýalyna oraı.

Onyń aıtýynsha, qazirgi ýaqytta mınıstrlik qoldaǵy barlyq kelisimshartty qarastyryp jatyr.

«Memleket basshysynyń tapsyrmasy bar, qazir búkil kelisimshartty qarastyryp jatyrmyz. Beıjaı qaraıtyndar, mindettemesin oryndamaıtyndar, paıdalanýǵa berý merzimin sozyp jiberetinderdiń kelisimsharty keri qaıtarylady. Qazirdiń ózinde 27 kelisimshart bar. Onyń búginde tórteýi buzyldy. Bul jumys bir nárseni memleket múlkine aınaldyrý úshin emes, zań buzýshylarmen júrgizilip jatyr. Kelisimshartty buzý - sońǵy shara. Biz barlyǵymen jumys istep jatyrmyz. Eger oryndalmasa, tipti oryndaýǵa nıeti bolmasa, onda árıne, kelisimshartty buzamyz. Bul - memlekettiń quqyǵy», - dedi mınıstr.


Seriktester jańalyqtary

Jańalyqtar

Úrdis

MURAǴAT