Astanada Koreı mádenı aptalyǵy ótip jatyr
2022 jylǵy 14 sáýir 22:21

Astanada Koreı mádenı aptalyǵy ótip jatyr

NUR-SULTAN. QazAqparat - Koreı mádenı ortalyǵy qazaqstandyqtar úshin «Koreı mádenıeti sizdermen birge» atty jańa baǵdarlamany bastady, dep habarlaıdy QazAqparat.

«Koreı mádenıetiniń aptalyǵy» aıasynda Qazaqstan halyqaralyq lıngvıstıkalyq kolledj (KILC) uıymymen birge ótkizilgen sharaǵa shamamen 100-ge jýyq adam qatysty. Baǵdarlamada «chogachıp» qolónerin (tóbesi saban úı) jasaý boıynsha master-klass, «Kalmar oıyny» serııasynan «talgonapopgı» oıyny, «týho» koreı dástúrli oıyny, sonymen qatar stýdenttik K-Pop klýbymen birge K-Pop mýzykalyq janrynda týyndylar qoıyldy.

«Men osy merekede kóptegen adamdardyń Koreıa men koreı mádenıetin, ónerin jaqsy kóretinderin qatty sezindim. Qazirgi kezde Qazaqstan Koreıa arasyndaǵy qarym-qatynas keńeıip, damyp keledi. Bıyl eki el arasyndaǵy dıplomatııalyq baılanys ornaǵanyna 30 jyl toldy. Osy rette bizdiń ortalyq Koreıa men Qazaqstan azamattary arasyndaǵy mádenı baılanystyń altyn kópiri bolyp kele jatqanyn aıtqym keledi», - dedi Koreı ortalyǵynyń dırektory Lı Heran.



Jańalyqtar

Úrdis

MURAǴAT