Prezıdent Qasym-Jomart Toqaev BAÁ-niń Qazaqstandaǵy elshisin qabyldady
2022 jylǵy 16 aqpan 19:28

Prezıdent Qasym-Jomart Toqaev BAÁ-niń Qazaqstandaǵy elshisin qabyldady

NUR-SULTAN. QazAqparat - Memleket basshysy Qasym-Jomart Toqaev Birikken Arab Ámirlikteriniń Qazaqstandaǵy elshisi Muhammed Saıd Muhammed Ál-Arıkıdi qabyldady, dep habarlaıdy Aqordanyń baspasóz qyzmeti.

Kezdesý barysynda Qazaqstan men Ámirlikter arasyndaǵy strategııalyq seriktestiktiń damý perspektıvalary talqylandy. Mańyzdy salalardaǵy saýda-ekonomıkalyq jáne ınvestıtsııalyq yntymaqtastyqty jandandyrýǵa basa mán berildi.

Memleket basshysy eki el arasyndaǵy dostyq pen ózara tıimdi qarym-qatynastardy dástúrli túrde odan ári nyǵaıtýǵa nıetti ekenin atap ótti.

Birikken Arab Ámirlikteriniń elshisi kezdesýge múmkindik bergeni úshin Qazaqstan Prezıdentine rızashylyǵyn bildirip, óz eliniń ekijaqty yntymaqtastyqty keńeıtýge jáne birlesken ınvestıtsııalyq jobalardy júzege asyrýǵa daıyn ekenin jetkizdi.


Seriktester jańalyqtary

Jańalyqtar

Úrdis

MURAǴAT