Joǵarǵy sottyń ákimshilik ister jónindegi sot alqasynyń jańa tóraǵasy taǵaıyndaldy
2022 jylǵy 1 aqpan 18:05

Joǵarǵy sottyń ákimshilik ister jónindegi sot alqasynyń jańa tóraǵasy taǵaıyndaldy

NUR-SULTAN. QazAqparat - Memleket basshysynyń 31 qańtardaǵy Jarlyǵyna sáıkes Aslan Týkıev Joǵarǵy sottyń ákimshilik ister jónindegi sot alqasynyń tóraǵasy bolyp taǵaıyndaldy, dep habarlaıdy QazAqparat.

Aslan Sultanuly 1979 jyly Qaraǵandy oblysynda dúnıege kelgen.

2000 jyly QR ІІM Qaraǵandy zań ınstıtýtyn jáne 2004 jyly Qaztutynýodaǵy Qaraǵandy ekonomıkalyq ýnıversıtetin bitirgennen keıin Túrkııada, Germanııada, Frantsııa men Latvııada ǵylymı taǵylymdamadan ótken.

Zań ǵylymdarynyń kandıdaty, dotsent.

- Qaraǵandy qalasynyń ІІB polıtsııasynyń ýchaskelik ınspektory jáne tergeýshisi,

- QR ІІM Qaraǵandy zań ınstıtýtynyń qylmystyq protsess kafedrasynyń oqytýshysy, B.Beısenov atyndaǵy QR ІІM Qaraǵandy akademııasynyń Ákimshilik qyzmet máselelerin zertteý ortalyǵynyń basshysy bolyp qyzmet atqardy.

2012 jyly – QR Ádilet mınıstrliginiń Sot saraptamasy ortalyǵy dırektorynyń orynbasary;

2012-2014 j.j. – QR Ádilet mınıstrliginiń Zańnama departamentiniń dırektory;

2014-2016 j.j. – «Qazaqstan qurylysshylary qaýymdastyǵy» ZTB atqarýshy dırektory;

2016-2018 j.j. – QR Zańnama ınstıtýtynyń dırektory;

2019-2020 j.j. – QR Joǵarǵy Sotynyń janyndaǵy Sottardyń qyzmetin qamtamasyz etý departamenti basshysynyń orynbasary;

2020 jyldan bastap osy taǵaıyndaýǵa deıin – QR Joǵarǵy Sotynyń sýdıasy;

Qylmystyq jáne ákimshilik sot isin júrgizý máseleleri boıynsha 100-ge astam ǵylymı eńbektiń avtory.

30-dan astam zań jobasyn ázirleýge, sondaı-aq QR Joǵarǵy Sotynyń normatıvtik qaýlylaryn ázirleý men saraptaýǵa qatysty.

QPK, ÁQBtK jáne ÁRPK ázirleýshileriniń biri.

«Minsiz qyzmeti úshin» jáne birqatar merekelik medaldarmen marapattalǵan.


Uqsas jańalyqtar
Abaı oblysynyń memlekettik qyzmet isteri departamentine jańa basshy keldi
2022 jylǵy 9 tamyz 19:11

Abaı oblysynyń memlekettik qyzmet isteri departamentine jańa basshy keldi

SEMEI. QazAqparat - Memlekettik qyzmetshilerdi rotatsııalaý tártibine sáıkes Qazaqstan Respýblıkasy Memlekettik qyzmet isteri agenttiginiń Abaı oblysy boıynsha departamentiniń basshysy, Ádep jónindegi keńestiń tóraǵasy laýazymyna Ádilbek Muqashev taǵaıyndaldy, dep habarlaıdy QazAqparat.

Ádilbek Qaıyrbekuly Muqashev 1981 jyly Soltústik Qazaqstan oblysynda dúnıege kelgen.

B.Beısenov atyndaǵy Qaraǵandy akademııasyn «quqyqtaný» jáne E.Bóketov atyndaǵy Qaraǵandy memlekettik ýnıversıtetin «qarjy» mamandyǵy boıynsha bitirgen.

Zań ǵylymdarynyń kandıdaty.

Memlekettik qyzmettegi jalpy eńbek ótili 22 jyldan asady.

Memlekettik qyzmette eńbek jolyn Qazaqstan Respýblıkasy Mádenıet jáne aqparat mınıstrliginiń Ákimshilik-quqyqtyq jumys departamentiniń bas mamany bolyp bastaǵan.

Sot júıesinde jáne Qazaqstan Respýblıkasy Prezıdentiniń Ákimshiliginde jumys tájirıbesi bar.

2014 jyldan bastap memlekettik qyzmet salasyndaǵy ýákiletti organda jumys isteıdi.

QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Soltústik Qazaqstan oblysy boıynsha departamenti basshysynyń orynbasary – Tártiptik keńes tóraǵasy, memlekettik qyzmet kórsetý departamentiniń dırektory, Pavlodar oblysy boıynsha aýmaqtyq departamentiniń basshysy – Ádep jónindegi keńes tóraǵasy bolyp qyzmet atqarǵan.

Atalǵan laýazymǵa taǵaıyndalǵanǵa deıin Á.Q.Muqashev Memlekettik qyzmet isteri agenttiginiń Aqtóbe oblysy boıynsha departamenti basshysy, Ádep jónindegi keńes tóraǵasy boldy.

Memlekettik qyzmetshilerdi rotatsııalaýdyń basty maqsaty – memlekettik qyzmetti ótkerý kezinde kásibı áleýettiń neǵurlym tıimdi paıdalanylýyn qamtamasyz etý.


Nurlan Kalenderov Jambyl oblysy ákiminiń birinshi orynbasary bolyp taǵaıyndaldy
2022 jylǵy 9 tamyz 17:38

Nurlan Kalenderov Jambyl oblysy ákiminiń birinshi orynbasary bolyp taǵaıyndaldy

TARAZ. QazAqparat - Jambyl oblysy ákiminiń ókimimen Nurjan Sábıtuly Kalenderov oblys ákiminiń birinshi orynbasary bolyp taǵaıyndaldy, dep habarlaıdy QazAqparat.

Nurjan Sábıtuly 1976 jyly Taraz qalasynda týǵan.

Ol 1997 jyly Jambyl jeńil jáne tamaq ónerkásibi tehnologııalyq ınstıtýtyn «halyqaralyq ekonomıkalyq qatynastar» mamandyǵy boıynsha bitirgen.

Eńbek jolyn 1997 jyly «Arnabol» jaýapkershiligi shekteýli seriktestiginiń býhgalteri bolyp bastaǵan.

Ár jyldary zeınetaqy tóleý memlekettik ortalyǵynyń Taraz qalalyq bólimshesinde aǵa maman, Jambyl oblystyq bólimshesinde bas maman, Jambyl oblysy ákimi apparatynyń bas mamany, oblys ákimdiginiń qarjy basqarmasynda bólim basshysy, basqarma basshysynyń orynbasary, basqarma basshysy qyzmetterin atqarǵan.

2011-2013 jyldary Jambyl aýdanynyń ákimi, 2013 jyldyń maýsym-jeltoqsan aralyǵy Qordaı aýdanynyń ákimi, 2013-2017 jyldary Taraz qalasynyń ákimi, 2017-2019 jyldary Jambyl oblysy ákimi apparatynyń basshysy, 2019-2020 jyldary Jambyl oblysy ákiminiń orynbasary, 2020-2022 jyldary Shý aýdanynyń ákimi qyzmetterin atqarǵan.

Al, 2022 jylǵy aqpannan bastap Jambyl oblysy ákiminiń orynbasary laýazymynda qyzmet atqaryp keldi.

Nurjan Kalenderov endi oblys ákiminiń birinshi orynbasary retinde ekonomıkalyq josparlaý, qarjy sektoryn damytý, áleýmettik qamsyzdandyrý, jumyspen qamtý, kóshi-qon, densaýlyq saqtaý, eńbek qatynastary máseleleri jáne taǵy da basqa salalaryna jetekshilik etpek.


Jetisý oblysynyń tilderdi damytý basqarmasyna basshy taǵaıyndaldy
2022 jylǵy 9 tamyz 16:36

Jetisý oblysynyń tilderdi damytý basqarmasyna basshy taǵaıyndaldy

TALDYQORǴAN. QazAqparat - Jetisý oblysy ákiminiń ókimimen Ermek Súndetbaıuly Aqshabaev Jetisý oblysynyń tilderdi damytý jónindegi basqarmasynyń basshysy bolyp taǵaıyndaldy, dep habarlaıdy QazAqparat tilshisi.

Ermek Súndetbaıuly 1984 jyly týǵan, bilimi joǵary.

J.Mýsın atyndaǵy qazaq pedagogıka kolledjin «memlekettik tilde oqymaıtyn mekteptegi qazaq tili men ádebıeti», akademık Joldasbekov atyndaǵy quqyq jáne ekonomıka ınstıtýtyn «qazaq tili men ádebıeti» mamandyǵy boıynsha bitirgen.

Eńbek jolyn Kóksý aýdany Amangeldi orta mektebinde qazaq tili men ádebıeti muǵalimi bolyp bastaǵan.

Keıin Kóksý aýdanynyń mádenıet jáne tilderdi damytý bóliminiń bas mamany, Almaty oblysynyń tilderdi damytý jónindegi basqarmasynyń jetekshi mamany, bas mamany qyzmetterin atqardy.

2017 jyldyń qyrkúıeginen búgingi kúnge deıin Almaty oblysynyń tilderdi damytý jónindegi basqarmasy onomastıkalyq jumys jáne taldaý bóliminiń basshysy boldy.



Jańalyqtar

Úrdis

MURAǴAT