Astana turǵynynyń 2 kóliginde bir nómir bolǵan
2022 jylǵy 29 qańtar 14:05

Astana turǵynynyń 2 kóliginde bir nómir bolǵan

NUR-SULTAN. QazAqparat – Astanada 2 kólikke 1 memlekettik tirkeý nómirin taqqan júrgizýshi ustaldy. Bul týraly Nur-Sultan qalalyq Polıtsııa departamentinen málim etti, dep habarlaıdy QazAqparat tilshisi.

«Beınebaqylaý kameralary «Toyota RAV-4» markaly kólikti jalǵan memlekettik tirkeý nómir belgisin taqqan avtomobıl retinde tirkedi. Patrýldik polıtseıler kólik quralyn Aqmeshit kóshesinde toqtatty. Júrgizýshi kommýnaldyq avtoturaqqa qoıylǵan óziniń «Toyota Camry» kóliginiń nómir belgisin sheship alyp, «Toyota RAV-4» avtomobıline taqqany anyqtaldy. Ol atalǵan kólikti AQSh-tan satyp alǵanyn jáne zańmen belgilengen tárippen tirkeý esebine qoıyp úlgermegenin aıtty», - delingen vedomstvo aqparatynda.

Departament málimetinshe, júrgizýshiniń ústinen QR Ákimshilik quqyq buzýshylyq týraly kodeksiniń 590-baby 4-bóligimen ákimshilik is qozǵaldy. Ol endi 20 aılyq eseptik kórsetkish, ıaǵnı 61 260 teńge kóleminde aıyppul tóleıdi nemese 1 jylǵa kólik júrgizý quqyǵynan aıyrylady. Túpkilikti sheshimdi mamandandyrylǵan aýdanaralyq ákimshik sot qabyldaıdy. Kólik kommýnaldyq turaqqa qoıyldy.



Uqsas jańalyqtar

Jańalyqtar

MURAǴAT