Prezıdent «Qańtar qasireti» jaıynda: Ult retinde osynaý qaıǵyly oqıǵalardan sabaq aldyq
2022 jylǵy 25 qańtar 15:48

Prezıdent «Qańtar qasireti» jaıynda: Ult retinde osynaý qaıǵyly oqıǵalardan sabaq aldyq

NUR-SULTAN. QazAqparat – Memleket basshysy Qasym-Jomart Toqaev qańtarda oryn alǵan qaıǵyly oqıǵalardan ult retinde sabaq alǵanymyzdy aıtty, dep habarlaıdy QazAqparat tilshisi.

«Ózderińiz de biletindeı, qańtardyń alǵashqy kúnderinde Qazaqstan terrorshylar men sodyrlar tarapynan óziniń óreskeldigi men zulymdyǵy turǵysynda teńdessiz ozbyrlyǵymen betpe-bet keldi. Qazaqstandyqtar Qytaı jáne baýyrlas Ortalyq Azııa elderi tarapynan qoldaýdy rızashylyqpen qabyl aldy. Memleket retinde, ult retinde biz osynaý qaıǵyly oqıǵalardan qajetti sabaq aldyq jáne tez arada qalypqa keletindigimiz sózsiz», - dep atap ótti Memleket basshysy «Ortalyq Azııa - QHR» sammıtinde.

QR Prezıdenti qazirgi ýaqytta elimizde memlekettik basqarýdy, ulttyq qaýipsizdik jáne ekonomıkalyq saıasat júıesin qaıta formattaý men reformalaý qarqyndy júrgizilip jatqanyn basa aıtty.

«Osylaısha, biz jańa Qazaqstandy qurýdy bastap kettik»,- dep atap ótti Qasym-Jomart Toqaev.


Uqsas jańalyqtar

Jańalyqtar

MURAǴAT