ShQO-da dámhanalar men túngi klýbtardyń jumys ýaqytyna qatysty shekteý alyndy
2022 jylǵy 21 qańtar 16:44

ShQO-da dámhanalar men túngi klýbtardyń jumys ýaqytyna qatysty shekteý alyndy

ÓSKEMEN. QazAqparat – Shyǵys Qazaqstan oblysynda birqatar karantındik shekteýler jeńildetildi, dep habarlaıdy QazAqparat tilshisi.

Aımaq basshysy Danıal Ahmetov shaǵyn jáne orta bıznes ókilderimen kezdesti. Sonyń nátıjesinde, kásipkerlerdiń ótinishi boıynsha dámhana, meıramhana, túngi klýb, karaoke bar, bılıard jáne banket zaldarynyń jumys ýaqytyna qatysty shekteýdi alyp tastaý jaıly sheshim qabyldandy. Biraq ondaǵy jalpy syıymdylyq 50 paıyzdan aspaýy tıis.

Dinı obektilerde (meshit, shirkeý, sobor, sınagoga) ujymdyq is-sharalar (juma namazy, dinı joralar jáne taǵy basqasyn.) ótkizýge ruqsat berildi. Munda da dinı nysandar tek jartylaı toltyrylýy tıis.

«Banket zaldary úshin adam sany 100-den aspaýy qajet. Túngi klýbtar úshin – jalpy jobalyq syıymdylyqtyń 70 paıyzyn, karaoke barlar úshin – 50 paıyzyn quraıdy. Osylaısha, kásipkerler óz qyzmetin jalǵastyryp, jumys oryndaryn saqtaýǵa múmkindik alady», - delingen ShQO ákimdiginiń málimetinde.

Óz kezeginde bıznes ókilderi barlyq qyzmetkerleriniń vaktsına alǵanyn aıtyp, «Ashyq» baǵdarlamasy boıynsha jumys isteıtindikterin jáne sanıtarlyq normalardyń qatań saqtalatyndyǵyn jetkizdi.


Uqsas jańalyqtar

Jańalyqtar

MURAǴAT