Reseıdiń ortalyq banki krıptovalıýta men maınıngke tyıym salýdy usyndy

MÁSKEÝ. QazAqparat – TASS – Reseı banki RF aýmaǵynda maınıngke jáne krıptovalıýta shyǵarýǵa jáne qoldanýǵa tyıym salýdy usyndy. Bul týraly retteýishtiń baıandamasynda aıtylǵan, dep habarlaıdy QazAqparat TASS-qa silteme jasap.

«Rezervtiń valıýta bolyp sanalmaıtyn reseılik rýbl mártebesi Reseıde qaýip-qaterdiń órshýin elemeýge múmkindik bermeıdi. Bizdiń oıymyzsha, qosymsha shara qoldaný kerek», - delingen qujatta.

«Krıptovalıýtanyń taralýyna negizdelgen qaýip-qaterdi azaıtý maqsatynda Reseı banki zańnamaǵa birqatar ózgeris engizýdi usynady. RF aýmaǵynda krıptovalıýta aınalymyn uıymdastyrýǵa nemese ony shyǵarýǵa tyıym salyný qajet jáne osy tyıymdy buzǵandardy jaýapqa tartý kerek», - delingen retteýishtiń usynysynda.

Sondaı-aq krıptovalıýtany taýar, jumys jáne qyzmet aqysyn tóleý quraly retinde qoldanýǵa tyıym salyp, ony buzǵandardy jaýapqa tartý usynyldy.

Retteýish Reseıde krıptovalıýta maınıngine tyıym salý ońtaıly sheshim dep esepteıdi.