Atyraýda jeke úı órtenip, kúıik shalǵan bir adam aýrýhanaǵa tústi
2021 jylǵy 3 jeltoqsan 20:33

Atyraýda jeke úı órtenip, kúıik shalǵan bir adam aýrýhanaǵa tústi

ATYRAÝ. QazAqparat – Atyraýda jeke úı órtenip, kúıik shalǵan bir adam aýrýhanaǵa tústi, dep habarlaıdy QazAqparat.

Oblystyq tótenshe jaǵdaılar departamenti baspasóz qyzmetiniń málimetinshe, turǵyn úı búgin, 3 jeltoqsanda órtengen.

«Departamenttiń dıspetcherlik pýltine saǵat 16:22-de Atyraý qalasynyń mańyndaǵy Erkinqala-2 kentiniń №5 kóshesinde bir qabatty jeke turǵyn úıden órt shyqqany týraly habar tústi. Oqıǵa ornyna jetken órt sóndirýshiler jalpy aýdany 150 sharshy metr turǵyn úıdiń shatyry túgel janyp jatqanyn anyqtady. Órttiń saldarynan úı ıesi – 1987 jylǵy azamatty kúıik shaldy. Zardap shegýshi oblystyq aýrýhanaǵa jatqyzyldy», - dep habarlady departamenttiń baspasóz qyzmeti.

Jalyn saǵat 17:16-da oqshaýlanyp, 24 mınýttan soń tolyqtaı sóndirildi. Oǵan departamenttiń 22 qyzmetkeri men 5 tehnıkasy jumyldyryldy.

Eske sala ketelik, budan buryn Atyraýda emhanadan órt shyǵyp, 45 adam evakýatsııalanǵan bolatyn.



Avtor:
Tilshi

Jańalyqtar

MURAǴAT