Qostanaı oblysynda turǵyn úı qurylysy qarqyny qalaı
2021 jylǵy 3 jeltoqsan 20:26

Qostanaı oblysynda turǵyn úı qurylysy qarqyny qalaı

NUR-SULTAN. QazAqparat – Qostanaı oblysynyń ákimi Arhımed Muhambetov óńirdegi turǵyn úı qurylysy men aýyz sýmen qamtamasyz etýge qatysty jumystardy baıandady, dep habarlaıdy QazAqparat tilshisi.

«Memleket basshysynyń «Halyq birligi jáne júıeli reformalar – el órkendeýiniń berik negizi» atty Joldaýynda turǵyn úı máselesi árqashan adamdar úshin basty máselelerdiń biri bolatyny atap ótildi. Jyl basynan beri biz 25,5% ósimimen 387,2 myń sharshy metr turǵyn úıdi paıdalanýǵa berdik. Turǵyn úı qurylysyna ınvestıtsııa 38,2% ósti (barlyǵy 45 mlrd teńge)», - dedi Arhımed Muhambetov Ortalyq kommýnıkatsııalar qyzmetinde.

Budan bólek ol halyqty sapaly aýyz sýmen qamtamasyz taqyrybyna toqtaldy.

«Búgingi kúni aýyl halqynyń 72,6% jáne qala halqynyń 98,1% kórsetiletin sýmen jabdyqtaý qyzmetterine qol jetkize aldy. 2021 jyly aýyldyq jáne qalalyq sýmen jabdyqtaý jáne sý burý boıynsha 47 joba iske asyrylýda (sýmen jabdyqtaý boıynsha 41 joba, sý burý boıynsha 6 joba), olarǵa 15,2 mlrd teńge bıýdjet qarajaty bólindi. Jyldyń sońyna deıin ortalyqtandyrylǵan sýmen jabdyqtaý júıesine 8 aýyl qosylady. Sýdy tazartý jáne taratý pýnktterine 11 aýyl qosylady. Al sýmen jabdyqtaý 16 aýylda jaqsartylady. Bıyl 104 aýylda (26,9 myń adam) tasymaldanatyn sýdy taratý pýnktteri ornatylǵanyn atap ótken jón. Nátıjesinde, aýyl halqy boıynsha kórsetiletin sýmen jabdyqtaý qyzmetterine qoljetimdilik 75%-ǵa deıin ulǵaıady», - dedi oblys ákimi.

«ıAǵnı, 2020 jylmen salystyrǵanda kórsetiletin sýmen jabdyqtaý qyzmetterimen qamtamasyz etý aýyl halqy boıynsha 8%-ǵa ósip otyr», - dedi ol.


Avtor:
Tilshi

Jańalyqtar

MURAǴAT